A thu: GZA Khawmpi pan Thungetsakna

A thu: GZA Khawmpi pan Thungetsakna GLOBAL ZOMI ALLIANCE, Central Executive Committee

Zomite minam khata hong bawl i biak Pasian tungah lungdam i ko masa hi.

Minam khat ahi Zomite a hang tuamtuam tawh sim le mal, tuilu tuitaw, mun tuamtuam, gam tuamtuam ah i om hi. Mimal a tam nai het lo Zomite khua khat, gam khat sungah om lo ihih manin, i omomna khua le kuamte ah i tawm mahmah hi.

Hi bang dinmun ah i om laitakin, India gam sunga sanggam Zomite (ZRA/ZRO) sungah buaina hong om cih ka zak ciangun, mun tuamtuam, gam tuamtuama om Zomite ka na lunghimawh mahmah uh hi.

Tua hangin, i minam sungah daihna, kipumkhatna le kilemkikna a om theih nading; mawhkimaisakna le kitelsiamna tawh kisang siamin i gam le i minam adingin i pan khop, i sep khop theih nading; i mipih sapihte in lungmuanna, bitna hong neih theih nadingun a 4 veina Global Zomi Alliance (GZA) Khawmpi, 26-29 November 2018, Kalaymyo pan lungsim kikhatin i biak Pasian tungah thu kong ngetsak uh hi.

Central Executive Committee

Rev. Simon Pau Khan En, Ph. D.
President

Bishop Felix Lian Khen Thang, J. C. D.
Vice President

Rev. Do Suan Mung, D. D.
General Secretary

Rev. Go Chin Zam, D. D.
Associate General Secretary

Rev. JM. Ngul Khan Pau, D. Miss.
Member