Guta khat inn aluhma in apuanteng avekin suahkhia, banghang?
China, Guangdong Province sungah pasal khatin aguaktang in innkhat buluh a, tuabang in agamtatna avekin CCTV pan Video Record naki bawlkha citciat hi. Shanghaiist News te genkhiatna ah tuapa pen innsung ah alutsim khitciangin aguaktang in kilehsuk kilehto kawikawi cihi.
CCTV sungah tuapa pen kitel mahmah ahih manin, Chinese Police te’n kankhiapah uh a, asawtlo in ki mankhiathei hi.
Banghang in inn buluh dingin na guaktang in kithawi, niklehpuan bangmah sitvetlo in innluh nahiam ci’n lamdang kisa in kidong hi.
Thu akidotdot ciangin tua gutapa’n Police te tungah agenkhiatna ah “kanik kapuan anitding deihlo kahih manin, hih innsung ah kalutsimma in avekin suahkhia in ka guaktang in alut kahihi” ci’n genkhia hi.
Video: Man strips naked before breaking into property to avoid getting dirty
Police Officer kahtin Chinese Media te tungah agenkhiatna ah akipatlam in hihpa pen alungsim akhuak amanmello “Mental Issue” aneikhat hiding in ki ummawh a, tuahangin niklepuan asilhlo hiding in ki ummawh masa cihi.
Ahi zongin thu kisitsit in, aki dotdot ciangin hih gutapa pen mihai, khuakmanlo nahi hetlo in, aki siangthosak mahmahkhat nahizaw cileltak hi.
More: Guta khatin mawtaw agukleh asungah naupang kum 4 khattawh gukhawmkha
Hih gutapa ii agutkhiat vankhempeuh amanzah akituat ciangin 36,400 Yuan (US$5481) bang phading cih kiza hi. Guga tezong mihai, khuak kicinglo hihetlo uh a, apil vallua nahihtuak zaw hi. Sawltak #zomidaily
Comment piaknop aomleh...