Gul ano asuahkhiat laitak Video ki khahkhia in lamdang kisa mahmah

Gul ano asuahkhiat laitak Video ki khahkhia in lamdang kisa mahmah

Gul te ano apiankhiattheih nadingin atui panin keuhkhia uhhizaw ahia, ano in suakkhia? Guitui panin ano keuhkhia hi nacihleh, anuai a Video pen lamdang nasa mahmahding hi.

Gultui mah kici tangtangzaw in, anosuak cihbangin ki genngei khollo hi. Ahi zongin hih Sand Boa kici gulpi khatin gul ano asuahkhiat laitak Video kizaih in, lamdang kisa mahmah hi. Gul ano pen khatbekzong hilo in thumtak khatkhitkhat suakkhia ngelhngelh hi.

Tua Video pen Reptile Collective’s Facebook Page ah nungkal August 25 ni in ki Post khia a, Minute 3 khawng sawt hi. Tua Video pen lamdang kisa in, ki limet mahmah a, View bekbek 10 Million valkhin in, Share bekbekzong 80,000 valvei ki Share khin hi. Comment tuamtuam zong tammahmah a, akigawm in 23,000 valbang ki Comment suk zihziah hi.

Video: Video of snake giving birth has internet confused

Video Clip sungah gul asan hiuhiau “Pinkish baby snake” khat hong suakkhia a, agei ahzong adang gulno khat asuakkhiakhin kimuthei hi. Tuakhit ciangin adang gulno khat suakkhia leuleu a, akigawm in 3 suakkhia hi.

Mihing nausuak mahbangin silehnai tawh kituam in, alaamzong pawlkhat ki muthei hi.

Comment akipia pawlkhat lakah gulkhempeuh atui panin apiangkhia dingin a ngaihsun pen haivailua ci’n “Wait am I crazy for thinking all snakes laid eggs?” khatin gelhkhia a, tua Comment pen tha kingah mahmahtek hi.

Related: Bangkok ah numei khatin dailenbuk azat laitak gul in anuaipan tuto

Comment khatleuleu ah kaneulai in gul khempeuh atui panin apiang hi hongci ka sangsia “Teacher” te khialmahmah aive maw ci’n gelhkhia hi. Video Clip sungah ihmuhtheih mahbang in gulkhempeuh atui pan apiang hilomawk a, ano zong asuakthei aom himawk hi 🙂 Sawltak #zomidaily