Gout natna (Uric Acid tamluatna)

Gout natna (Uric Acid tamluatna)

Gout natna cihpen sisan sungah Uric Acid a tamluat ciangin hongpiang ahihi. Pumpi sung guh leh tang kizopna teng na gawp hi. Pumpi sungaa protein a paikhia dingteng paikhia lo in sisan sungah a khawlciangin tua natna hong piang a hihi. Pasal te tungah piangthei phadiak a numeite tungah pianglo phial hi.

A natkipat in khuksung, kiu leh liangbul teng natcihtak na hi. Kumsawtpi kibawl lo in omleh kaal natna kingah thei hi. Hih Gout natna a ngah mi in Zu dawn khiam limlim ding hi. Protein dat gam akihello an le meh te ne ding hi. Siavuan omlona munah Allopurinol zatui ne ding hi. Hih zatui in zunpan in Uric Acid te paikhiasak hi.

Nekledawn tawh kibawlna

Zu dawnna hangin Gout pianghi ci in a um mi om aa a hizongin 100% manlo hi. Natna behlapthei cihciangbek a hihi.

Gout natna a tuak mi in ဟင်းနုနွယ်, kawpilum, leh a engmel nei mehtehmehgah te leh Vitamin C kihel annam te nek huai hi. တရတ်နံနံ. ရေကန်စွန်းရွက်. မုန်လာဥ. နာနတ်သီး. ချယ်ရီ. စပျစ်သီး cihte nekding kilawm hi.

Gout natna a nasiatleh tui tampipi dawn ding kisam hi. Niangtui, Coffee cihte leh a khumnam tamnek nawnlo ding hi. Natna a nasiat semsemleh sa leh nagsa te tawmvei nelo phot ding hi. Dr. Mimiko Laibu pan/ Siamsin Library