Space pan Diwali thupuak
Diwali pen Hindu biakna ah pawi(festival) lian pen khat ahi hi.Diwali
a khiatna in ‘ khuavaak pawi’ cihna ahi hi. India mi mun tuam tuama om
ten tutung Diwali thupuak(Diwali message) Special mah mah khat
Indian- American astronaut Sunita William kiang pan ngah uh hi. India
mi Newyork University a laisin Riti Bhalla in Diwali Special Programe
ah Williams thudotna bawl(interview) hi.Bhalla pen tua khuapi sunga TV
a host zel mi khat ahi hi.
Williams pen tu in kum 47 pha ta hi.Bhalla in lei pan in
huihlak(space) a om Sunita hopih in tua pen TV ah kisuaksak hi.
William in a omna munah India van kilatsak nangin colour nam
thum(tricolour) koih hi.Tua bek tham lo in Sanskrit thumal “Om” lim
leh Upanishads zong tawi hi.Tuate a pa in space mission a pai maa
apiak ahi hi.A pa in a piak van nih te in India tawh kizopna nei
hi.kilemna ‘Om’ pen a lup ciangin crew quarter pua ah koih in
Upanishad pen a omna mun ah sim zel hi.Tua Upanishads bu neu khat in a
omna ah pilna pia in hinna bang hiam cih telcian sak hi.Hih van nihte
in ka omna munah India ngeina hong phawksak ci hi.
Sunita Williams in Diwali Eve ni in International Space Statation pan
” leitung mun tuam tuam a India mi a omte hih hunpi ah na khutziatlam
uh kong len hi, Diwali zatnuam .Hih a lamdang pawi ah International
Space Station pan in note tawh iki zawp theih man in ka lungdam hi”
cih tawh cibai hi. Williams in T-Shirt Blue silh lian luan deep hi.
Williams in India mite’ support na hangin lungdamko hi.Cidam taka hong
kileh kik theih ding zong lunggulh hi.A hun tawpna lamah William in
Diwali kik ciang India ah zin dingin a kilam-etna thugen hi.India mipi
te tungah lungdamko in tua ciang mangpha khak hi.Hih Sunita William
interview na pen Diwali ni-in gam 75 ah TV tawh kipia sawn hi.
A paisa August kha in zong Indian –American astronaut Sunite Williams
in International Space Station ah Colour nam thum suangin India
Independence 66 na ah India wish hi.Numei lak pan huih lakah a sawt
leen pen record bawl hi.Ni 195 sung vilvel leeng sam hi.
Pau Tun Thang
Comment piaknop aomleh...