Germany ah unau na ngawn kiteenkhuan piaksawmta

Germany ah unau na ngawn kiteenkhuan piaksawmta

Germany gamsung ah unau laiguizom ki teentheih nading vaitawh kisai National Ethics Council te’n Meeting nei uh a, atamzaw in kiteenkhuan piakding hoihsa tamawk uh cih UK Metro News pan kiza hi. Hihvai hongki patkhiatna ahihleh unau laiguizom akiteengsa khat om a, tuate nupa in ta 4 neikhin uhhi.

Committee makai te ii genna ah a pasal pen Patrick Stuebing hi a, aneulaipek in innkuandang khat in ata dingin kem (Adopted) uhhi. Hihpa pen honggol toto a, kum 20 pawl aphak ciangin midang numei tampi ommah taseleh ama ii sanggam laiguizom (Biological Sister) tektek tawh hongki mukha citciat uh a, hongki ngai uhhi. Ahi zongin tuahun laitak in amau geel unau ahihlam kitheilo uh cihi.

Tulaitak Germany gam ii thukhunsung ah unau laiguizom nupa bangin lupkhopding kiphallo a, nulepa tezong tate tawh nupa bangin lupkhopding phalna omlo hi. Tuabang in alumkhawm aomleh thukhun palsak in ki ciamtehding a, kum 2 sung thong ki kiasakthei hi.

Unau laiguizom ahi zongin, sisan kinailua kiteeng cihpen nau aneih uhciang in naupang te pongman lothei, hoih masalo cihpen National Ethics Council pan Committee te’n atheilo uh hilo hi. Ahi zongin hih lauhuaina te hangin unau kiteena pen thukhun palsakliang in ngaihsut huailo cimawk uhhi.

Hih unau laiguizom kiteentheih nading vai tawh kisai National Ethics Council in Vote khia uh a, mi 9 in hoihsalo uh a, ahi zongin adang mi 14 in hoihsamawk uh ahih manin unau laiguizom kiteentheih ciangin hongtun tamawk uhhi. ZD Sawltak #zomidaily