Yangon US Embassy ah apuakkham om ahih manin ki patau mahmah

Yangon US Embassy ah apuakkham om ahih manin ki patau mahmah

Yangon aom US Embassy sungah agin ngaihsimtham apuakkham khat om a, meikhu khawngzong apualam dongah akhukhia kimu ahih manin mipi ki patau mahmah cih Online tuamtuam pan kiza hi.

Ahi zongin hihvai tawh kisai Myanmar Police te genkhiatna ah Embassy sungah Sunday (July 24) zanlam in Tear Gas Training Exercise, mittui luansak na bomb zatdan kisinna akibawl hi ci uhhi.

Meiphelh mawtaw Fire Engine leh Ambulance khawngzong Embassy mai ah kimu ahih manin, Social Media tuamtuam in Myanmar Embassy sungah Bomb puakkham hiding hi ci’n ummawh kigelh ngeingai a, ahi zongin Local Officer Zaw Win in AFP tetungah hihpen Bomb puakkham hilo hi ci’n genkhia hi.

Hih Embassy sungah Tear Gas Practice abawl uh hi a, apualam lampidong ah meikhu apusuak akimuh ciangin ko hongkisam hi cihi.

Hih hangin asi aliam kuammah omlo a, Embassy sungzong siatna bangmah omlo cihi.

Embassy te’nzong Police te tungah ahunlap in hongzaksak masakkhakloh uhpen hong thuum uhhi ci’nzong Officer Zaw Win in genkhia hi. ZD Sawltak #zomidaily