A gawlpan akikhai geigai naupang Minute 10 khitteh ki honkhiathei
China gamsung aom Apartment khat ii tawlet sikzawl kawmkal “Window Guard Rail” ah naupangkhat agawl panin kikhai geigai a, Minute 10 khitciang in anuntakna ki honkhiathei cih AP News pan kiza hi. Tua buaina apianna pen China, Jiangxi Province sung aom Apartment khatah ahihi.
Buaina apianna pen Apartment ii inndawl 7 na 7-storey building ah kici a, naupangno pen alu tawh awklo zenzen hileh anuai ah kiasuk in anuntakding lametna omlo hi.
Naupangno pen kum 5 bek aphapan kici a, amahguak Apartment inndei sungah aom laitak in thupiang kici hi. Anu pen nekding vanleiding in avakkhia hi a, atanu kum 5 aphapan pen amahguak innsung ah nusia in, apualam panin innkong kalhkhum cisawnsawn hi.
Tua naupangno pen amahguak Apartment innsung ah cimlua hidinghiam, apualam pusuaknuam, dakkhianuam in innmai Window panin apai khiatsawm hihtuak hi. Tuaciangin Window Guard Rail akici sikzawl kawmah kiasuk in, ahi zongin alu in awhkha bilbel hi.
Video: Five-year-old girl stuck by window guard rails saved in east China. Firefighters rescued the girl after about 10 minutes hanged up outside the building. She was left alone by herself while her mother went out to buy food.
Naupang agawl tawh kikhai geigai agalmuhkha te’n Emergency Services te amanlang in nasamthei bilbel uhhi. Ahi zongin Apartment innkongkhakpi pen kikalhcip ahih manin, Emergency Service te khennih kisuak uh a, pawlkhat inndawn panin khauhual tawh kumsuk uhhi. Pawlkhat in innkongkhak sukham in lutsuk uhhi.
Inndawn panin akumsuk numeinu in naupangno pen apumpi panin tawikawm in, tuakawmkawm in innsunglam panin alutte’n sikzawl pen settawh tankhia in, anunung ah naupangno ii anuntakna honkhiathei uhhi.
More: Video: China, Shopping Mall ii setkahlei in naupangno khat akhut zialkha
Hih thupiang pen nungkalsung in China gamsung ah thupiang hi a, innsung ah naupangno khatguak nutsiat huaihetlo cih ki phawkphat sakna in hih thuthang hongki khahkhia ahihi. Sawltak #zomidaily
Comment piaknop aomleh...