Dailen laitak nailangval Game akimawl pasal khat agilzang pusuakkhia

Dailen laitak nailangval Game akimawl pasal khat agilzang pusuakkhia

China ah pasalkhat dailengbuk ah tukawm in Mobile Phone sungpan in Game akimawlmawl leh agilzang anuainungpen ahi “Rectum” kiasuk cimawk hi. Mobile Phone sungpan in Game kimawl kawmkawm in dailenbuk tungah atutu hi a, atutsung akigawm in Minute 30 (nailang) val sawtding cihi.

China, Zhongshan City sungah nungkal sungin thupiang hi a, zato ah kipuakpah hi ci’n Sohu News te’n genkhia uhhi.

Zhongshan City Hospital panin Doctors te genna ah hihbangdan in agilzang Rectum pusuakkhia pen aom pakpaklo, Rate Condition hi a, “prolapsed rectum” kici hi ci’n genkhia uhhi. Dailenbuk “Toilet Seat” tungah sawtvei tuciplua ahih manin, agilzangpi “Large Intestine” pen asunglam tawh akizopna kipelh in apusuakkhia cihi.

Tuahang in agilzang Rectum pen atawvang panin kaikhia in, kikhai lenglang cimawk hi.

Hihbangin agilzang apusuahkhiat ciangin azanzan in zato ah alawmte’n paipihpah uhhi.

Zato aom Doctors te genna ah hihpa pen zato hongtun ciangin amai amel suahdan thuaklah mahmahkhat neileh kilawm in, hoihtakzong paitheilo in alawmte khattungah kingamkawm cihi.

Tuaciang in Doctors te’n zato lumsak in, agilzang anuailam Abdominal Area sungteng CT Scan zaihsak uhhi. Sisan tampi paikhialua hileh sihlawhthei ahih manin, hoihtak in CT Scan zaihsak masa uh a, tuakhit ciangin Operation bawlsak uhhi.

Hospital panin thunei te genna ah hihpa pen dailen manlo, hoihtak ahun mantak in dailenglo khat ci uhhi. Tuaban ah tulai khuahun tawh kizui in dailen ciangin Mobile Phone puakawm in, dailenbuk sungah atutkawm in Game sawtvei pipi kimawlmawl cihi.

Tuahangin agilzang pen agei banglo in, anunung ah “Rectal Prolapses” ci’n agilzang anuailam apusuakkhia cimawk hi. Hihbangdan pen ompakpak sawmlo a, mi 100,000 lakah mi 2 bangbek apiangthei cisam hi.

Ahi zongin mi tampi lakah khatlenih bek apiangthei hi ci’n mawk ngaihsutdingzong hisamlo hi. Dailen amanlo, nelvang thagui ahatlo, dailen ciangin ek a ipding thagui ahatlo cihtezong hihbangdan piangthei cihi. Tuaban ah nelvang leh kalkuam tengah liamma aomngei, sungkhak ekthatkhiat hamsa asaden cihte leh dailen ciangin ahinhat thutawh ahingkhiagawp cihtezong hihbangdan in agilzang paikhiathei, kaikhiathei cihi.

More: Sanginn dailenbuk “Toilet” sungah CCTV kikoihmawk ahih manin ki lungkimlo

“Rectal prolapse” pen pasal te sangin numeite tungah piangnuamdiak a, adiakdiak in kum 50 valkhin numeite “Rectal prolapse” omthei phadiak hi. Ahi zongin tuhun ciangin dailenhun, sungpaihun amanlo cihbang atuamtuam hangin naupangno leh khangno te tungahzong “Rectal prolapse” piangthei cihi. Sungpai pongmanding, ek ahul lualoding in tuisiang tampipi dawndingzong thupi mahmah hi. Sawltak #zomidaily