US, UK, France gam 3 kipawl in Syria gamsung kap huanta

US, UK, France gam 3 kipawl in Syria gamsung kap huanta

US President Donald Trump in Syria kumpipa adoding, akapding in gamthum kipawlkhawm in kipanta hi ci’n Friday nitaklam in genkhia hi. Tua akipawlkhawm gam 3 tepen United States of America, United Kingdom leh France gam 3 ahihi.

Tua gam 3 kipawlkhawm in US-British-French Operation kipanding a, Syria gamsung ah Chemical Attack abawl Syrian President Bashar al-Assad lehdoding uh cih Fox News te’n genkhia hi.

President Trump inzong dendiak in United States Armed Forces te thu kapiakhin a, Syrian dictator Bashar al-Assad akapding in ka sawlkhin hi ci’n genkhia hi.

Syria kumpipa in Chemical zangin mi tampi in sihlawh ahih manin leitung gamtuamtuam in dik kisa hetlo hi. Tuabangin Chemical Attack abawlna hangin USA, UK leh France gam 3 teng kipawlkhawm in Syria galdoding uh hita hi.

Syria gam ii khuapi sungah Saturday zingsanglam in apuakkham aginngaih mahmah tampi kiza hi ci’n AFP Correspondent khatinzong genkhia hi. Syrian State Television te’nzong apulakna ah Syria gamsungpen US te’n France leh Britain tetawh kipawlkhawm in hongkapta uhhi ci’n pulakkhia uhhi.

Syria kumpi in Chemical azatna hangin Damascus khuasung ah mi 40 bangin nungkalsung in sihlawh uh a, tuahangin hihbangin gal akido uh ahihi.

More: Syria, Damascus ah Car Bomb puakkham in mi 18 si, adang mi 12 liam

British Prime Minister Theresa May inzong France leh United States tawh ki pawlkhawm in Syria kadoding uhhi ci’n Saturday ni in genkhia hi. Photo: Saturday zingsanglam in Syria gam ii khuapi Damascus ngimin US te’n Missile thaupi alotkhiat laitak. Sawltak #zomidaily