France te’n tunglam panin Al-Qaeda tawh kipawlte makai that ung ci

France te’n tunglam panin Al-Qaeda tawh kipawlte makai that ung ci

Nov. 29, 2016: US ten nihvei thumvei bang tuithe vangleng tawh that hung a cih uh uh North Africa gam-a al-Qaeda makai lian Algeria mi Mokhtar Belmokhtar kici Franch ten tung lam panin a kapna uh-ah that uh hi ci-in US ulian ten zanin pulak leuleu uh hi. US ulian min gen loh khatin AFP news agencyte kiangah US intelligencete’ huhna France ten Mokhtar Belmokhtar kaplum uh ci hi hi ci-in Wall Street Journal in suaksak hi.

Belmokhtar pen al-Qaeda tawh a kipawl France gam-a al-Murabitoun jihadist group kicite makai hi a, a beisa in kithat hi kici mun mahmah hi. Tu-in hih US ulian min gen lohin tutung bel hih mit khat bek a neipa kithat takpi ta hi ci-in AFPte kiangah gen hi. Mokhtar Belmokhtar in Europe mite galmat in nei in, sum tampipi ngen in, sum tawh kitankhiasak zel hi.

Belmokhtar pen 2013 in Algeria gam-a In Amenas gas plant kisuahna ah galmat 38 kithahna ah kigolh hi ci-in kingawh a, tua khit nung “most wanted men” kicite lakah kihel hi. Tu kum in zong ama makaih Murabitoun jihadist group kici ten Burkina Faso gamah mi 20 na that uh a, sihna tuakte a tam zaw pen gamdangmi ahi hi. Belmokhtar Libya gamah a lut khit nung Libya gamah buaina nakpi takin kibehlap hi kici hi.

US ten kum 44 mi Belmohktar thahna dingin a lutang man ding $5 uh a, Belmohktar pen Khaled Abu al-Abbas Brigade (“Signatories in Blood” zong a kcite) kaikaipipa hi zaw hi ci hi.

More: Philippines aom US Embassy mai ah Bomb khat kimu in ki puakkhamsak

Nung kum May kha-in al-Murabitoun ten ISte tawh kipawl hi hi ung ci-in ISte ukna a thumanna/cihtakna uh (allegiance) na pulak uh a, ahih hangin al-Qaedate tawh kipawl veve uh hi. Belmokhtar kum 19 bek a phakin 1991 kumin Afghanistan ah mujahideen rebelste tawh kipawl in Russiate na do hi. AFP/ Thang Khan Lian