USA, Florida khuanawl ah Shuttle Boat meikuang, mi 1 si in 14 liam

USA, Florida khuanawl ah Shuttle Boat meikuang, mi 1 si in 14 liam

USA, Florida khuanawl, Gulf of Mexico sungah gunkuang “Shuttle Boat” te khat Sunday ni in meikuanggawp ahih manin, numei khatin sihlawh a, adangzong mi 14 bang liam cih Fox News pan kiza hi.

Tua gunkuang pen Casino Shuttle Boat kici a, atungah atuang Passenger mi 50 valte meikat akipat ciangin lauthawng mahmah uh a, tuisung ah diangsuk ngeingai uhhi.

Tua Shuttle Boat meikat kipatpen Sunday sunlam hi a, aliam lakah numeikhat Sunday nitaklam in sihi. Tualo adangzong mi 14 bang liamgawp uhhi ci’n Regional Medical Center Bayonet Point spokesman Kurt Conover in Monday ni in genkhia hi.

Passenger pawlkhat tepen meikhu limdik khaklua ahih manin, nak hamsa sa uh a, a awngsung tengzong na samahmah uhhi. Bayonet Point ah zatui kibawlte ahihleh noptuam uh ahih manin ki ciahsak cihi.

Video: Casino shuttle boat fire leaves 1 woman dead, 14 other people injured, officials say

pic.twitter.com/8SrYYkjLC1

— New Port Richey PD (@NPRPD) January 14, 2018

WTSP News te genna ah hih Shuttle Boat atuahsiat ciangin kumpi thunei te’n 4pm hunpawl in delhtheipah uh cihi. Meikuang pen kilawh ziahziah in manlang mahmah a, Boat tungah atuangte zong pataulua uh ahih manin, tuisungah adiangkhia ngeingai uh ahihi.

More: Florida, Orlando City sung aom Warehouse sungah thautawh mi 6 kikaplum

Port Richey Chief of Police Gerard DeCanio in agenkhiatna ah hih Shuttle Boat ahawl te’n Engine siatna om in, ki lehkikding cih khentat uh cihi. Tualaitak in meikuang akipan hiding in ki ummawh hi. Hih Shuttle Boat pen Tropical Breeze Casino Cruise ah apaiding te apuak in akilehden ahihi. Sawltak #zomidaily