Florida, Orlando City sung thaukikap buaina vaitawh kisai in Orange County Sheriff Jerry Demings in agenkhiatna ah thautawipa pen Warehouse sungah nasem ngeikhat hi a, ahi zongin abeisa April khasung in nasep kikhawlsak, aki hawlkhia khat cihi.
Tuapa pen Monday ni in anasep ngeina Warehouse sungah lutkik in, thautawh Warehouse sung aom mi 5 akaplup khitciangin anunung ah amahzong amahleh amah kikaplum ci Reuters pan kiza hi. Thautawh akikaplum avekpi in mi 6 tak himawk hi.
Tua thautawipa pen kum 45 aphakhin khat hi a, abeisa inzong Criminal Offenses aneingei khinsa khat cihi. Ahi zongin Monday ni Warehouse sungah kikapna pen Terror Organizations khatpeuh tawh kizopna omlo hi ci’n Jerry Demings in genbeh hi.
Nasep aki khawlsak pen lungkim hetlo in anasepna ah hong paikik in, aphialkapgawp ahihi cimawk hi.
Jerry Demings in agenna ah zingsang 8am hunpawl in Warehouse sungah thau “handgun” khatleh temta tawh lut cihi. Hih Company pen Recreational Vehicles leh Campers akibawlna Company khat ahihi.
Atemta pen zangmanlo a, ahi zongin athaupuak tawh tua Warehouse sungah nasem mi 5 kaplumman hi. Tua Warehouse sungah adangzong nasem mi 7 bang omlai uh a, tuate bangmah ki kapkhakna omlo cihi. Anunung ah thautawipa pen amahleh amahzong ki kaplumziau hi.
Video: Fired Employee Kills 5 at Orlando Workplace – CNN Breaking News
https://www.youtube.com/watch?v=iEQW1KT3VqQ
Abeisa 12 June 2016 kum inzong Florida, Orlando khuasung aom Pulse Nightclub sungah thautawh kiphialkap gawpna khatvei omngei a, mi 49 takin sihlawh ahih manin, Modern U.S. History sungah ahuaisiapen “Deadliest Mass Shooting” in aki ciamteh ahihi. Asi tuazah banah aliamzong mi 58 takbang phamawk hi.
Monday ni Warehouse sung kikapna ah amukha nasem khat ii genna ah nasem numei khatpen Washroom sungah aom laitak hi a, thau kikap aging kaza cihi. A etkhiat ciangin mikhat sualtung ah asisa in aom galmuh hi. Tuapa pen nasepna a Boss pan nahimawk hi. “My boss is dead” ci’n a sanggam numei khatkiang ah phone hopih in genkhia cihi.
Related: Florida Everglades ah gulpi lianmahmah khat kiman in gulmat thaman $375 ngah
Tua nasemnu zong thautawh akikapkhak lohhang in lauthawnglua ahih manin, zato ah kipuak in kikem cihi. Florida Governor Rick Scott inzong cikzialo in ngongtatna aneite hangin asi te adingin thu ngetsakni ci’n khuasung mite tungah pulak khia hi. ZD Sawltak #zomidaily
Comment piaknop aomleh...