Florida, Ford Lauderdale Airport ah mi 5 kaplumpa kimanta

Florida, Ford Lauderdale Airport ah mi 5 kaplumpa kimanta

Jan. 7, 2017: Florida sunga om Fort Lauderdale airport ah Friday in US galkap pensen, kum 26 mi Estaban Santiago in baggage checkna ah thau tawh mi nga kap lum in mi giat kap liam in, muvanlai leng bangin leilak ah bok suk hi. Estaban Santiago in US army ten ka lungsim hong uk (control) sak uh a, ka thau ka kap hi ci hi. Tu-in Estaban Santiago kiman ta hi ci-in ulian gen uh hi.

Estaban Santiago pen 2010 in Iraq gamah kisawl a, kum khat a nasepna lungkimhuai zo lo hi ci-in kitawpsak (discharged) hi. Santiago sanggampa Bryan in Santiago pen lungsim buaina nei ahih manin nung diakin psychological treatment kibawlsak hi ci hi.

Law enforcement ulian khatin The Associated Press news agencyte kiangah November kha-in Anchorage-a FBI office ah Santiago hong pai a, US government in a lungsim hong uksak in, ISte videos hong ensak hi ci-in hong gen hi ci hi.

More: Nathu in lam honglak meivak hi (Cf. Psamls 119:105) ~ Kham Cin Pau

Santiago in hih bangin thau pua in vanleng phualah a lut theihna dingin X-ray machines leh metal detectors checking kinei napi-in bang hanga a thau pua thei hiam cih dotna lianpi piang hi. Source: News agencies/ Thang Khan Lian