Facebook Page ah “Reply Option to Comments” ki ngahta

Facebook Page ah “Reply Option to Comments” ki ngahta

Abeisa hunin Facebook Page tungah Users te’n Comments apiak ciangin abanban in kigualsuk deudau a, Comment khat ii anuailian ah Direct in Reply ki piatheilo hi. Adiakdiak in Comment tampitak aomkhin te ih kuppih ciangin nopmawh mahmah hi.

Comment apia masa khat tungah Direct in ki Reply theilo ahih manin, tuanu tuapa thugen Direct in ih kuppih nopleh @ cihtawh amin gelhkul hamtang hi.

Ahi zongin Monday ni in Facebook te’n Feature thakkhat hong tangko khia uh a, tuapen “Reply Option to Comments” cih ahihi. Comment akipiasa khat ii anuai tektekah Reply ki piatheita cih ahihi.

Nidang in hileh Comment ihpiak hangin aban aban in aki gualsuksukziau ahih manin, anuai penpen ah ih Comment hongsuakbek hi. Tu’n ahihleh Photo khatpeuh ahih keileh Post khatpeuh tungah Comment akipiasa khat ii anuailian ah Reply Comment kipiatheita ahih manin, thukikupzia Discussion hong nopsemsem tading hi.

Facebook Page naneih a, “Reply Option to Comments” naki ngahsaknop leh hih anuai abang in ki bawltheita hi.

1. Amasa penpen in na Facebook Page ah Admin Account tawh nalut in.
2. Tuakhit ciangin “Manage Permissions” acihna ah nalut leuleu in.
3. Tuanuai ah “Allow replies to comments on my Page” acihkhat namuding a, tua ii amai aom Box sungah Tick napia in.
4. Tuakhit ciangin anuai ah “Save Changes” namek lecin na Facebook Fan Page ah Direct Reply Option hongki ngahpahding hi.

Zomi Daily ii Facebook Fan Page ahi https://www.facebook.com/ZomiDaily ahzong hih Feature thak ki zangta hi. Zomi Daily Page tha hongpia in, hong “Like” sakzong tulaitak mi 6045 bang phata hi. Nangzong Like nongpiaksak manin lungdam ung. Direct Reply Option nasinkawm in, Comment napiaksak ziahziah inmaw leh… ZD Sawltak