France gamsung ah vuuk limkiatlua in Eiffel Tower zong ki khakcipsak

France gamsung ah vuuk limkiatlua in Eiffel Tower zong ki khakcipsak

Ihpu ihpa te’n Piancit acih uh France gamsungah khuahun votlua mahmah, vuuk limkiat mahmah cih AFP pan kiza hi. Vuuk limkiatlua mahmah ahih manin, Eiffel Tower zong Tuesday ni in ki khakcipsak cihi.

Eiffel Tower pen leitung gamtuamtuam panin Tourists tampi a endingin apainop phadiakna Tourist Destination minthang mahmahkhat ahihi.

Vuuk kiatna hangin Northern France sungteng ah khuasung kikawmna zong nawngkaisak mahmah in, lamzikpi tungah Traffic Jam cipsak hi. Paris Region sungtengah Snow vive tawh kidim zihziah in khuahun votmahmah hi.

Meteo France Weather Service te genn ah Wednesday nibupzong khuahun votsuakding hi ci’n genkhia uhhi.

Local Information Service Sytadin te’n Tuesday ni in agenkhiatna ah khuahun sialua, votlua, vuuk tamlua ahih manin, khuasung lamzikpi tungah Traffic Jam bekbek in theihsa 700 km sungbang awkcip zihziah ciliang uhhi.

Paris Bus Serivces tezong Tuesday nitaklam in ki taisak nawnlo in, ki Cancel khinhi ci’n RATP Transport Authority te’n genkhia hi. Wednesday nibupzong khuahun siasuak dingin ki ummawh ahih manin School Bus tezong ki taisakloding cihi.

Meteo France te genna ah Snowfall pen tamsemsem dinga, khuahun pen vot tektek dinghi. Temperature pen Minus 10 Degrees Celsisu (14 degrees Fahrenheit) dongah kiamsukding in ki lamen hi ci’n genkhia uhhi.

Monday ni inzong Paris khuapisung khempeuh vuuk in tuamcip khinhi. Scandinavia lampan in huihvot in nawkkha ahih manin khuahun pen avotgawp hi ci’n Forecaster Sebastien Leas in genkhia hi.

Meileng vaisai ahi Rail Operator SNCF te’nzong High-speed TGV Lines khempeuh lauhuai ahih manin, ki hattaisak loding a, damtak in ki paisakding hi ci’n genkhia uhhi.

Southern Paris, Essonne khuapualam ahzong Truck Driver tampitak awkcip uh a, lamzikpi tungah zangiak uhhi. Truck Driver Mehdi Benomar akici khatin agenna ah nitaklam 4:30pm hunpawl akipan ka awkcip uhhi. Khuahun pen vot mahmah in, nekding omlo, dailenbuk cihzong omlo. Banghun ciangin hihphual panin ka paikhiathei uhdiam, kitheilo hi ci’n AFP te tungah genkhia hi.

More: Myanmar leh Thailand gamgi kikal ah gamgicing galkapte’n kisinna bawlkhawm

Tulaitak pen leitung gamtuamtuam ah khuahun angei banglo in, khuahun siamahmah hi. Spain gamsung ahzong khuahun votlua mahmah in, vuuk kiagawp a, vanleng zong 70 bang ki Cancel cihi. Indonesia gamsung ahzong huihpi leh guahpi in nawkgawp cih kiza hi. Japan gamsung ahzong nungsungteng vuuk limkiat mahmah a, abeisa kumte sangin khuahun nakpitak in votzawtham kici hi. Taiwan ahzong zannitaklam zinlinggawp in mitampi mangciplai a, cimawh dongtuak tammahmah uhhi. Sawltak #zomidaily