Meileng sungah Durian puatheilo ahih manin, Station ah khehkham in nesukpah

Meileng sungah Durian puatheilo ahih manin, Station ah khehkham in nesukpah

Durian singgah pen agimnam khauhmahmah a, aduh te’nzong duhmahmah veve uhhi. Adiakdiak in Chinese te’n Durian singgah pen duhphadiak kici hi. Durian pen agimnam khauhlua mahmah ahih manin, mipi omna leh mipi zat ahi meileng, Bus cihte sungah Durian puakding kikhamcip hi.

Abeisa kalsung in China, Zhejiang Province sung aom Quzhou City ah numei khatin Durian singgah pen meileng sungah puaksawm hi. Ahi zongin tua Train Station ah angak in aom ahi Security Guard te’n tua numeinu ii Bag sungah Durian amuh uhiciang in Durian pen meileng sungah kipuatheilo hi ci’n gen uhhi.

Agimnam khauhlua ahih manin tua singgah pen mipi zat ahi Public Transportation ah kipuatheilo hi. Ahi zongin naduhleh avekin ne inla, tuakhit ciangin meileng sungah tuangpan in ci’n gen uhhi.

Tua numeinu inzong aduh mahmah ahi tua Durian pen nusia ngamlo in, Train Station sungah amanlang in nekmengding hanciampah tingteng hi. A meileng pen asawtlo in atungkuan hita a, tua numeinu inzong mipi muhna ah tua Durian pen sukham in neding in kithawipah saisai hi.

Video: what would you do if you were refused entry to a public premises for carrying a malodorous durian, and you must consider parting with the precious fruit to get on with your day? For a durian fan faced with this exact predicament at a railway station in China, there was only one course of action to take – consume the entire durian in time to catch her train, Says reported.

Durian asukkhap nadingin koipan angahhiam akitheilo sing at (Saw) khattawh Durian sukham in, tuakhit ciangin meizumlotak in mipi mai ah nepah zetzet hi.

Akigawm in Minute 10 sungkhawng in Durian sukham in, ne mengmeng a, atuanding meileng zong lap veve hi.

Tuabangin numeinu agamtat laitak Video kizaih in, tua Video Clip pen lamdang kisa, nuihzak huai kisa ahih manin Social Media tungah ki thehzakgawp in Viral Video piangpah hi.

More: Australia University khatah Durian gimnam pen Gas akeh kisa in mi 500 val kihemkhia

Durian pen Asian gamsung ah ki limnek mahmah a, ahi zongin agimnam khauh mahmah ahih manin mipi zatkhopna munte ahi Public Places munte ahi Public Transportation, Airport, Hotel cihte ah Durian puakding ki phallo hi. Ngapik leh Gataam zong ane ngeilo te’n namtui sakhollo uhhi 🙂 Sawltak #zomidaily