Dr. Do Suan Mung: Dahpihna pulakna

Dr. Do Suan Mung: Dahpihna pulakna

July 22, 2021: Zomite hong zuun in hong puah, Rev. Dr. Do Suan Mung, General Secretary, Global Zomi Alliance (GZA), in lamet loh laitak July 18, 2021 (8:10 Am) hunin, ih Pa Pasian kiangah hong ciahsatna hangin, Zomi bup leh Zogam teelcing Mipi Palaite in, a innkuan pih te tawh aki bangin dahna, ih pulak hi.

Pasian leh Zomi te adingin, pilna leh siamna, tha leh ngal, sum leh paai te itsiit hetlo in, na hu tawp dongin nong kipiakkhiatna te hang in “ZOZUUNSIAM ZUAPA” ci’n, dahna sung ah Zomi Mipi Palaite (MPs) in lungkituak takin zahtakna lianpi kong pia uh hi.

Zozuunsiam Zuapa Rev. Dr. Do Suan Mung aw, na sepsa nahoih tampite leh na Zomipihte nong zuun nong puahnate, na mipih te’n tangthu in na sutsut ding hi ung.

Leitung ah Pasian leh na Zomi pihte adingin nalian tampi nasep khit ciangin, ih Pasian in ama kiangah tawlnga dingin hong sam ahih manin, lungnuam takin na tawldam hithiat ta in.

Itna, zahtakna leh ngaih mahmahna tawh, ut lo pipi-in, kimuhkik mateng MANGPHA ci in na mipihte tangin Zogam Mipi Palai (MPs) te in Mangpha kong paih uh hi.

Tonzang Township Mipi Palaite Tedim Township Mipi Palaite

• Pi Cing Ngaih Mang 1. Pu Hang Khan Lian
• Pu Cin Suan Mang 2. Pu Mang Hen Dal
• Pu Kam Khen Mang 3. Pu Piang Suan Mung
• Pu Pau Lun Min Thang 4. Pu Thang Do Cin
• Pu Thang Tuan Pau

Dahna lianpi pulakna: Rev. Dr. Do Suan Mung

(Suahni – April 21, 1955; Vanah ciahni – July 18, 2021) General Secretary, Global Zomi Alliance

• Founder & President, Faith Baptist Bible College & Seminary, Tedim, Myanmar
• Founder & President, Faith Baptist Theological Seminary, Yangon, Myanmar
• Pasian in mihingte Ama lim leh melsun in ahong bawl mah bangin|
• ahong bawl “Pa” lim leh mel sun in anungta zo pa,
• Pasian thuthukte thei in tel, gen in gelh, lamlak in makaihzo ban ah
• Pasian thu laigilte muibun takin gensiam, hilhsiam in anuntak pih zo pa,
• Tung Pasian hong piak na talent te’ talent nga neipa’ bangin
• na talent te naneih zahzah metbawl siam in na Topa alungkim sak zo pa,

Na Topa Pasian na lungsim khempeuh, na kha khempeuh, na pilna khempeuh, na hatna khempeuh tawh it siam in; nang leh nang na ki it mah bangin na zi na tate, suahpih sanggam u le nau, beh le phung, khua le tui, na Zomi pihte leh Khazih pawlpi ading itna, veina leh deihsakna tawh na tampi sem in “pa” din mun ah ading zo pa,

Na lei pumpi kote tawh nong om khop nawnloh hangin “Pasian mipa” leh “Zomite’ pa” khat na hihna thute na gengen in na sutsut ding hi ung.

More: Zomi Idol (3) ~ Dr. Do Suan Mung

Na nasep na leh nong makaih nate aban, ih minam bup in hanciamtak in nana zomto ding hi ung, ci-in hih laipi tawh angtang takin zahtakna kongpia uh a, Zomi bupin dahna lianpi tawh mangpha kong khak uh hi. Zomi buppi tangin nana sepkhoppih, Global Zomi Alliance (Central Executive Committee, July 20, 2021)