David Cameron US ah President Obama tawh kimuding in hawhding

David Cameron US ah President Obama tawh kimuding in hawhding

UK Prime Minister David Cameron pen US gam Washington DC ah President Barack Obama tawh kimuding in zinding hi ci’n White House in genkhia hi.

Hih leitung gamminthang makai tegel in Thursday ni nitak an nekkhopna neiding uh a, Friday ni ciangin Oval Office sungah thu kikupna nasiatak in neiding uhhi.

Hih makaipi tegel ii kikupding pen adiakdiak in tulaitak US gamin abuaipih mahmah ahi Internet tungtawn a kidona Cyber Attack vai hiphadiak dinghi. Tualo adang gamvai tuamtuam zong kikumding uh cih kiza hi.

Downing Street te genkhiatna ah hih makaipi tegel in leitung gambuaina vaite zong kikumding uh cihi. Sumzon paaizonna lamtawh kisai ahi zongin, Security vaitawh kisai ahi zongin kikupding tampi nei uh cihi. Adiakdiak in ISIS (Islamic State of Iraq and Syria) vaizong kikupding gelna neilai uh cihi.

White House press secretary Josh Earnest in agenkhiatna ah hih UK Prime Minister Cameron hong hawhna hangin US gamleh UK gamnih ii kizopna khangto semsemding bekthamlo, American leh British a mite ngiat ii ki itna zong hong thahatsak semsemding hi ci’n genkhia hi. ZD Sawltak