Damloh Pasian’ nasemte nong zaksakna uh Lungdam

Damloh Pasian’ nasemte nong zaksakna uh Lungdam

Kongit Khazih sungah ulehnau, Tusung teng online email tungtawn in kong zaksak uh ahi, Damlohna hangin Pasiannasepna maban takpi zomzonawnlo aa om Pasiannasemte donghu piaknopna tawh kisai-in kong pulaakna uh nulehpa ulehnau akua matek in nong lungngaihpihna uh tawh siate min nong pulaakkhiat, nong genkhiatnate uh hangin mimal tungah nakpi lungdamna kong ko nuam masa uh hi. Topan thupha hong pia ta hen. Amen.

A kua matek in email tuamtuam pan nong zaksaknate uh ka ngaihsut kik uh ciangin, eimi sungah damlohna hangin Pasiannasepna maban a zomzonawnlo tampi aomna ka mu-a, lungngaihpih huai ka sa mahmah hi. Ih pawlpi sia, siamahte leh Pasianna sem aa gospel paikawikawite akipan Pasiannasem khempeuhte adingin nakpi thungetsak huai mahmah, tha piak huai mahmah, sum leh paai tawh nakpi huhhuai panpihhuai mahmah ahihna hong phawksak hi.

Tutung email pan in huhnop huai, huh ding a kilawm Pasianna semte min tampi ka ngahna uh sung pan tukum ading in minih (2) ciang bek donghu sum piakhia zo bek ding kahih manin ka lung uh nuam hatlo hi. Mailam ah Topan minih sangin atam zaw hong huhzosak, hong panpihzosak semsemna ding thungetna ah hong phawk un. Topa Pasian in ama nasem te hong cidam sak, hong khansau sak henla, ama gam ading kum tampi ma apangzo semsem dingin thupha hong piaksak ta hen, cih ka thungetna uh ahi hi. Lungdam.

Topa leenggah huan sungah naseppih,

Kham Do Thang,Pastor
Myanmar Mission Church
www.mmcflorida.com
—
Kham Do Thang
2762 Lantana Road, Apt. 311
Lantana, Florida 33462
Cell Phone (561) 707- 8729
www.mmcflorida.com