Covid-19 natna tawh kisai in ~ Dr. Nung Mun Thawn

Covid-19 natna tawh kisai in ~ Dr. Nung Mun Thawn

March 23, 2020 Zan 11:45 hun in Kumpi Cidamna Thuneite lampan in Kawlgam ah Covid-19 cina mi 2 kimu khia ta cih hong tangko uh hi. Cina 2 lak ah khat pen Tedim zatopi pan akimu khia a hihi. Hih natna pen lauhuai hi. Kilawh baih mahmah hi. Ahih hang in hih natna hang in patau lua in om ding kisam lo hi.

Tuciangciang ah cina akimukhia (confirmed cases) lak ah adam siang mi tampi kimu ta hi. Zatui hoih pawlkhat zong kimu khia hi. A lauhuai kilawh baih natna ahih hang in PATAUH LUAT IN OM DING KISAM LO HI.

Na sep ngei te, seploh phamawh te angeina bang in PATAU LO IN sem in. Bazaar (Market) khawng ah pai in van tampi lei in khol ding cih khawng kisam tangtang lo hi.

Hih natna pen a lauhuai zah in kidop ding pen baih mahmah hi. Anuai aa te zui lecin hih natna pan na suakta ding hi.

• ⁃ Na khut tui leh sappiang tawh sawp siang pahpah in.
• ⁃ Handgel na pai na peuhpeuh ah pua in la van khat peuhpeuh na lawn khit ciang handgel tawh sawp den in.
• ⁃ Mask thuah den in.
• ⁃ Sihna natna thuphamawh lua ahih kei leh pusual lo in na innsung ah tawlnga hit hiat in.
• ⁃ Ihmut cim sak in la na tha om nang nek leh dawn te ne in kidawm in.
• ⁃ An le meh leiding kisam/ apua pai ding akisap aa leh Mask thuah in la mite tawh khut kilen kei in.
• ⁃ Midang khat tawh atawm pen pi 6 kihal ah ding/ tu in kiho in.
• ⁃ Na khuh khak zenzen leh puanthem (လက်ကိုင်ပုဝါ) zang in. Na ban tawh na mai khuh in la buhkhuh khia in.

– Thungetna / Kikhopna / Meeting / Pawi te ahih theih laiteng kihel kei in. Mi 10 val kithuahna kikholhna te pelh in. – Na ci a nop kei leh akinai pen siavuan/ siamah kiangah paipah in la kilak in. Nang guak (na inn sungah) gum thuak kei in. Zomi Zogam cidam hen… Dr. Nung Mun Thawn