Covid-19 mualpi i kantan zawhnang thu kingetsak tekni

Covid-19 mualpi i kantan zawh nang thu kingetsak tek in kipanpih tek ni:

Tulai tak Zomite tenna Tulsa, OK kiim teng leh US mun tuam tuam ah COVID-19 peak khang han han kik in ei Zomite sung ah zong natna ngah tampi kibehlap ahih manin thu ngetna ah phawk tek ni. Topan hih COVID mualpi asawt loin hong kan tan sak zo ding hi.

Khat leh khat tha kipia in kipanpih in information sharing te i bawlkhop ding thupi mahmah hi. Hi thei leh inn kihawh cih te nei nawnlo phot in phone leh FaceTime cih te tawh i kicontact ding hun ahi hi.

Abeisa hun te ah i gen gen sa mah bangin Natna kidal nangin – “stay home, save lives” acih mah bangun i inn tek ah om ciat ding; Natna i neih (positive) cih i theih lian leh i innkuanpih te leh i kiim i pam te tung zumlo tak in genkhia in ei leh ei quarantine bawl in kikep pah ding, koi mah ah vaak khiat nawnloh ding;

Apualam pai khiat ciang maituam thuah hamtang ding; 6-feet social distancing bawl ham tang ding; Khut sial den ding, hand sanitizer zang den ding; Khat leh khat i kimuh ciang kinotset cih te zang nawnlo ding leh I kinotset khak leh zong khut sil pah, ahih kei leh hand sanitizer zat pah ding;

More: Covid-19 Alert IV: Quarantine & Isolation bangcih kikhoiding

CDC leh kumpi thunei te thu mang tek ding cih te phawk tek in zui tek ni. Hih te akicing in hong suak sak lai ning. Topan Tulsa leh US gam tuamtuam aaom Zomite i omna ciat ah hong kembit ciat in hih COVID mualpi i kantan zawh nang hong siam ta hen. Thomas On Sian Mung ( Thomas Mung Guite) June 14, 2020 Washington D.C