COVID-19 ~ Jam Daniel

COVID-19 ~ Jam Daniel

VIRUS :: Amin taktak computer tawh kizom in: “Vital Information Resources Under Seize” A thupi mahmah na (thu) pawlkhat amatsak/aguksak “Gutate pen a gu ding, a that ding, le a siasak ding bekin hong pai hi.” JOHAN 10:10

Polio :: Amin taktak pen a sau in: “Poliomyelitis” ahihi. Mihing khat ii nuntakna a zawmcipsak thei poliovirus kici hi. Hih natna (virus) pen mi khat tungpan khat ah kilawh thei a nungzang guhngek (spinal cord) sung lut in pumpi bup ahih keileh pumlang zawtna cihte ngah thei hi.

Kum zalom 18 kipat hun pawl a hong piang khia natna namkhat hi a. Egypt gam pan ahihi. Kum zalom 20 kipat taktak ciangin nasia semsem ahih manin leitungtung bup patau in kilau mahmah ta ci hi.

Polio natna pan mite adampah a om hangin dam thei nawnlo a zawcip zong om a, a sih lawh zong om hi. Polio natna a ngah peuhmah anungta laite zong kimanna neilo uhi. Hih natna pen a kimukhia thei natna hi a, khangmoi lai tampi in ngah thei zaw hi.

Tuni dongin US gam sungah naupangte kha nih leh kha li a phak ciangin polio thaza (vaccine) pia a, a sang kah theih taktakma in nih vei bang piak lai ding hanthawn uhi.

Hih polio natna hangin leitung bup lungkham in a om kawmkawm sungin mipilten a dal na ding zatui zong/sin uh a, 1950 kum in Dr. Jonas Salk in polio dal na ding (vaccine for polio) hong mukhia hi. Tuni dongin I gam ah zong naungek naupangte I pia hi.

COVID-19:

A min sau in “Coronavirus 2019 – March 9, 2020 in leitung bup ah hih natna ngah mi 110,000 val phakhinta ci hi. Tualakah 5800 pen gim phadeuh uh ci. Tu in gam 100 val ah kizel khin a, hih natna hangin mi 3800 sikhinta hi. Tua sung pan a site 3100 pen Sengam pan hi a, adang 725 te pen gam tuamtuam pan hihi. Ahizongin 62,000 val in damna ngahkik khin ci hi.

2019 December kha beikuan lam in ahang (cause) ki theilo in tuap sung natna bawk (cluster of pneumonia) a om lam Sengam Hubei gamhuam a om Wuhan khuapi sung cidamna lam thuneite in pulaak khia uhi. A kipatkhiatna pen Huanan Seafood Wholesale Market pan hiding in ki ummawh hi. Tua mun pen gan ahing a zuakna mun zong ahihi ci hi. Hih natna pen baak natna (bat coronavirus), saphulip natna (pangolinvirus) cihte tawh kinai mahmah ahihna mukhia uhi.

Natna a kitheihkhiatcil pen December 1, 2019 ni ahihi. Hih thu hangin patauhna hong om a, Leitungbup cidamna lam kipawlna ahi (World Health Organization (WHO) in mipi a ding lauhuai ahihna thu January 30, 2020 ni-in taangko khia uhi. Source: Wikipedia, 2019–20 coronavirus outbreak

COVID-19 Nei maw/neilo Kibangci vel ding?

• 1. Naptui (runny nose)
• 2. Gawlna/thak (sore throat)
• 3. Khuh (cough)
• 4. Khuasik (fever)
• 5. Huih dik haksatna sa (difficulty breathing (severe cases)

Koici bangin coronavirus kilawh?

COVID-19 natna pen natna thak khat ahih mah bangin leitung mipilte in zong kibangcilawh cih pen teltakin theihna nei nailo uhi. Ahizongin amau upmawhna ah:

Hih naatna pen mikhat pan a dang khat tung ah kilawh hi’n um uh a, mi khatle khat kigamlatna pi 6 ciang pan kilawhzo hi ci hi. Tua natna nei mikhat a khuh ciang le a hetchei cianga tui them lengte pan kilawh ci uhi. (infected through droplets, coughs or sneezes)

Tua natna nei mikhat in na khatpeuh ahihkhakna mun, alawnkhakna mun hih kha a, na hih khakna khut tawh na mit ahizongin na kam a hizongin na sawk khak tak ciangin tua pan in kilawh hi ci hi.

Hih natna nei mi khat kiang om kha peuh in ngah thei. Hih natna pen huih pan hilo a, huihdikna (breathing) hangin kingahlo hi.

Kibangci kep ding?

A baihlam pen kikep zia ding nam thum: Wash. Your. Hand. Na khut sil den in. Na khut na sil sim in setkan 20 peuh mah sil in. Nek ding khatpeuh na bawlma in sil in. Na bawl khit ciangin sil in. Dailen khit sim in sil in. Na khuh khit le na hetchei khit sim in sil in. Damlo mikhat na lawnkhit sim in sil in.

• Natna ngah mite tawh kineh kei in.
• Na mit, na nak le na kam cihte lawng kei in.
• Dam na kisak keileh vakkhia kei in.
• Na khuh ciang le nah hetchei sim in kihum in. Ahih keileh tissue zanginla na zat khit ciangin ninbung sung pai pah in.
• Ni sim na vanzatnate puansia siangtho khat tawh nulsiang masa den in. Source: WEBMD HEALTH NEWS

Leitung mipilten tuni dong a dal na ding muzo nailo uh a, Jesu in “kizokhinta” ci hi.

March 8, 2020 (Sun Sermon)

VIRUS – Tuma kum 6000 laipek in Eden huan ah Satan in gulpi lim -VIRUS zangin mihingte na do khin hi. Tua hun a kipan mihingte nuntakna pen pumpi sihna, kha sihna hong piang hi. Tua virus tawh kisai LST in anuai a bangin na gen hi:

“Mi khat hangin leitungah mawhna hong om a, tua mawhna hangin sihna hong piang hi. Mi khempeuh mawh uh ahih manin tu-a bangzia-in mi khempeuh tungah sihna hong tung hi.” ROM 5:12

“A khialsa mahin kei ka suak a, ka nu in a gil sungah hong paii tung a kipan a mawh sa ka hi hi.” Late 51:5

“Bang hang hiam cih leh mawhna in thaman hong piak pen sihna hi….” ROM 6:23

Tua thu hangin mihingte ki-itna, lungdamna le nopsakna cihte na suksiat sak a, sihna ciang dong hong tun hi.

Antivirus-Jesu: (Sihna-virus dalna)

“Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.” GALATI 4:4-5

Tua Jesuh Khrih in eite hong it a, ama sihna tawh i mawhna panin eite hong suaktasak a,” MAANGMUHNA 1:5

“..Dawimangpa’ nasepna a beisak dingin Pasian’ Tapa a hong pai hi.” 1 JOHAN MASA 3:8 Tua ahih manin i pumpi (body), ngaihsutna (mind) leh I kha (soul) pen Antivirus ahi-Jesu sisan tawh nisim ki scan ding hi hang.

Na nuntakna sih theih lauhuaina virus in hong sukha hiam? Tu mahmah in Jesu sisan tawh hemkhia (delete) in.
Jesu said, “It is finished” Pastor Jam Daniel