Coronavirus Stimulus Package leh sum ngahding vai

Coronavirus Stimulus Package leh sum ngahding vai

Coronavirus Stimulus Package vai Senate ah akikup kup san lai tak uh ahi hi. News pawlkhat te ah upmawh tek akingelh hi phot aa, CNBC leh RFA cih pan asuah sak uh pen nung deuh aa Senator Mt. Romney ($1000 vai) leh senators pawl khat ii proposal ahi hi. Tun zong Republican Senators ten President Trump tawh hoih asak uh amau Proposal hong suak sak uh aa, tua pen Senate ah Democrats te tawh hong kikum lai dinguh hi.

Republican te’ “Phase 3” coronavirus stimulus package acih uh trillion-dollar proposal sungah nasem mi khat $ 1200, nupa ahih leh $ 2400 cih leh naupang khat ciang $ 500 cih te kihel aa tua pen “income based” hi lai ding hi. Hih Proposal te pen Senate ah kikum lai dinguh aa, Senate pan agreement ngah in a pass zawh uh ciang President Trump in sign thu in kizang pan ding ahi hi.

Zani March 18 ni in Senate in “Families First Coronavirus Response Act” pass aa, President Trump in sign thu in kizang pah hi. Tua sungah 1) Emergency paid sick leave & Family medical leave, 2) Free testing 3) Tax credits for paid family and medical leave, leh 4) Emergency unemployment stabilization cih te kihel hi.

More: Pa Thomas On Sian Mung ii Bronze Medal Award ngah lungdam pihna

Tua ahih manin tulai tak pen News te leh Facebook tungah fake news leh upmawh thu gen tam mahmah aa, Kumpi thu nei te suah sak te bek kan in up pan ding ahi hi. White house pan nisim in President Trump in News Conference hong bawl aa, tua lai pan thu khempeuh taangko khia ahih manin akua mapeuh in zong nisim et teh ding kisam mahmah hi. Thomas On S. Mung (Washington DC, March 19, 2020)