Col. Khen Za Moong’ nuntak thupomzia ~ Lian Tuang

Col. Khen Za Moong’ nuntak thupomzia ~ Lian Tuang

Pu Khen Za Moong( Col.) kiang nung kha in khat vei ka vahawh hi. U sung nau sung thu tampi ka kigen khit uh ciangin ka kum tam ta in tute tate kam kong vaikhak nop thu paipi pawl khat ong gen nuam ing ci in laidalneu khat ong piak kawmin thu ong gen hi.

A .Pasian thupha I cih in

Cidamna lungnopna, thakhauhna lungkhauhna, sepna bawlna zawhna, mawhna khialhna maisakna, annek puansilh omna, inn kicinna, Ki itna le ki huhna

B .Pasian thupha thalawh nang

Ahoih ngaihsun ding, Ahoih bawl ding sem ding, A hoih a gamta ding

C . Hoihlo lo ding

Ahoihlo ngaihsun lo ding, Ahoihlo bawllo semlo ding, ahoihlo a gamtalo ding

D .Huaihamna Hehna Lungtomna Theihlohna

Thei ding Pelh ding Neilo ding, Khialhkhak mawkkhak leh phawk ding kisik ding kibawlkik ding

II
A .Laihawl nuntakna

• Kampau kidawm ding
• Kineihlo ding
• Kiminthansakna lunggulh lo ding
• Pianpih lungsim vom tawntung ding
• Mitpilna tawh mu ding
• Navakna tawh za ding
• Hoih le hoihlo khen ding
• Ahoih ngaihsun ding
• Ahoih sem ding
• Ahoihlo ngaihsun lo ding
• Ahoihlo sem lo ding
• Langkhat ading ngaihsun kak ding

B

• Upna Lametna itna bulphuh tawntung ding
• Hoihpen nuntakna kinei kim zolo ding hi
• Hoihlopen nuntakna kinei samlo ding hi.
• Laihawl nuntakna kinei kim zo ding hi.

cih teng aban takin ong gen hi. Hih laidalneu bel kei bek hi loin ama kiang a lengla peuhpeuh zong deihsakna tawh a piak ahi hi. Hih thute pen leitung nuntakna ama thupomziate ahih manin thupi ka sa mahmah hi. Lian Tuang