Cina apua Ambulance khat kibung citciat in aliam ngawhlua bel omlo

Cina apua Ambulance khat kibung citciat in aliam ngawhlua bel omlo

Malaysia gamsung North – South Expressway (NSE) lamzikpi tungah cina apua Ambulance khat zato zuanin atailaitak kibung citciat cih theStar pan kiza hi. Tuni Thursday (Mar 16) nitaklam 4:30pm hunpawl in atuahsia hi a, hih tuahsiatna hangin North – South Expressway tungah mawtaw awkcip in 3km sungbang mawtaw dimcip in damdam in kikhin nitnit cihi.

Hih Ambulance atuahsiatna pen cina khat pua in ahattai mahmah laitakin anunglam apei khat puakkham mawk ahih manin, Driver pa inzong lenkip theinawnlo, Control zolo ahih manin atuahsia cihi.

Anunglam apeikhat akitapvat ciangin hoigawp in anunung ah lamzikpi alangleh alang adalna in akikoih Road Barrier taihphei in, tuakhit ciangin kilawn in aveilam apanglam tawh leilak kidensukna cihi.

Tapah OCPD Superintendent Somsak Din Keliaw ii genkhiatn ah hih cinapuakna Ambulance pen Sungai Buloh Hospital panin Penang zuanin ahattai mahmah laitak hi a, mawtaw sungah mi 4 atuangkhawm cihi. Tua mi 4 tepen Driver, Assistant Driver, Medical Officer leh cina khat ahihi.

Sungai Buloh Hospital panin Penang ah cina khat apuakding in apailaitak atuahsia ahih manin, atuahsiatna panin anaipen Ipoh khuasung aom Raja Permaisuri Bainun Hospital ah acina kipuakphot hi. Kamphatna tawh hih mawtaw tuahsiatna hangin aliamgawp cihbang omlo bilbel cihi.

PLUS Malaysia Spokesperson khat ii genkhiatna ah kamphatna tawh mawtaw tuahsiatna panin adang mawtaw tezong nawkkha cih omlo bilbel cihi.

Police te leh Firemen tezong tuahsiatna phualah tungpah uh a, Traffic paiziading lamlak in buaimahmah uh cih kiza hi. ZD Sawltak #zomidaily