Chit San Maung leh U Cinpi te’ tungpan ka theihkhiat

Chit San Maung leh U Cinpi te’ tungpan ka theihkhiat

1997 kum in Sia Zen Lian’ kiang ah guitar ka sinngei hi. Ama’n zong hong deihsak mahmah ahih man in studio khawng ah hong kizui sak zel hi. Khat vei Sihzang lakhui khat Sia Zen Lian, U Bony leh U Thangpi tepawl in PTL studio ah tumkhawm uh hi. U Zen Lian in hong kizui sak ahih man in kei zong ka lungdam mahmah khinkhian hi.

Chit San Maung Ka Zahtakna

Chit San Maung pen zankimh teh anasepna pan in hong tung a, a inn zong lut nailo in a studio hong lutsuak hi. “Bang ci alem hia? Akisam bang om ahia?” ci”n adot khit teh a inn ah lut pan hi. Zingsang thophet mai zong phiat nailo in a studio hong lutphei pah a, avanteng aset teng hoih tak bawl sitsit masa hi. Aset te abawl pen sawt mahmah hi. Tua khempeuh aman khit teh a inn ah lutkik pan hi. Va kithawi in nasep akuan kik ding teh a studio mah lut kik lailai hi.

Lamdang kasak pen amucil abat det keeimawk pen ahi hi. Kei zan 2 khawng a studio ah ka taam bek zong ka cimtak mahmah hi. Ama’n nisim asun azan a amuh pen cimtak hetlo in amucil abat det pen mahmah lamdang kasa hi. “Aw a uukna mahmah akibanlo nahi mawk ei” ka ci hi.

U Cinpi

1998 kum pawl in Saung Oo Hlaing i Five Travellers (ခရီးသြားငါးေယာက္) Album hong minthang mahmah hi. Tua album atum Lazy Club music band te zong minthan lawh uh hi. Tua album a kipan kawlgam ah Lazy Club te minthang lian cihtheih phial hi.

Khat vei Lazy Club te’ minthan mahmah laitak Lazy Club a bass tum U Cinpi’ kiang ah “No nisim a guitar tum cih zawzen, bass guitar bang gik mahmah lai aih teh khat veivei cimtak mahmah niteh maw?” kacih zenzen leh “Na dang hileh ki cimtak khathei mah incin guitar tum ding bel cimtai ngei keng. Lawpden lel ing” ongci mawk hi. Ka lungsim ah “Nak uuk ngel naive maw” kaci khinkhian hi.

Ka Theihkhiat

Chit San Maung te U Cinpi te pen a music siamna uh akiban zolo hi masalo in a uukna mahmah uh akiban zolo nahi mawk hi. Music uuk ka kisak leh amau’ uukna ka theih teh bel kei’ uukna cihtak hetlo leh asiam hetlo ding mah kahih lam ka phawkphawk hi.

Na khatpeuhpeuh pen hailawh liang mah in ih uuk kei leh kisiamzo taktak lo na himawk hi. Uukna in thalawpna piang sak; thalawpna in matutna piangsak na hi gige mawk hi.

Paunak 12:27 “Thadahte, a tup tung ngei lo a, thanuamte in a deih ngah hi”. A lawhcin ding mah uh hi. Thalawp lua mahmah uh. Lungdam, Mung Laan Thang (Tonzang, Zogam)