China in Japan te ado hun uh asawtna kum 6 in behlapto

China in Japan te ado hun uh asawtna kum 6 in behlapto

Jan. 14, 2017: Chinese Education Minister in Nilaini-in China gammi ten gam itna lungsim a neih theih semna dingun kum zalom 20 hun lai-in Japan leh Chinate’ kidona pen kum giat bek hilo-in kum 14 sung hi a, sangsia ten sangnaupangte kiangah kido sung pen kum 8 bek hilo-in kum 14 ci-in a hilhna dingun thupia a, a hun kum 6 in behlap to-in na hilh ding uh ahi hi ci-in zasak hi.

China gam-a laisimbu/sang laibu (textbooks)-te ah Japan ten China gam a sim taktak uh “Japan’s full-scale invasion” kici pen Marco Polo Bridge Incident a kici Marco Polo lei-a thupiang hangin China ten Japante a dalna ding uh leh a not kikna dingun July 7, 1937 in “Chinese People’s War of Resistance Against Japanese Aggression” kici panin hong kipan hi ci-in kiciamteh in tuang hi.

Ahih hangin Education Minister thupiakna tawh thuzuih ding thak “new guidelines” kici kibawl a, tua ah schools leh universities tenga laisimbu (curriculum materials) khempeuh ah Japan galkap ten China leilu-nisuahna lam-a om Manchuria khuapi September 18, 1931 in a lak manun Mukden Incident kici thu piang a, tua a kipanin China-Japan kido ta hi ci-in laih dingin thu kipia hi.

Japan ten tua ma-in mun pawl khat China gamah a lakna uh leh a uk khumna (regional occupation) leh tua khit nungin hong uk khumna hangun kiphinnate kibang veve a, hih thu pen gam itna lungsim a pian’na ding leh gam itna sinsakna om ding deihna hi ci-in Education Minister in ci hi.

China in 2015 in Galpi Khatna ah Japante guallelhna phawkna dingin Beijing khuapi ah galkap ten galkap laamna spectacular military parade kici nasia takin lahna na nei uh a, state media ten Galpi Khatna hun lai-in China in a kipawlpih gamdangte (other allies) leh US ten Japan khuapi nih – Hiroshima leh Nagasaki ah atom bomb a khiatna thu gen in nei beek lo uh hi.

Education Minister in Kidopi Khatna ah China in a kihtakhuai galte kihta lo a, kidona ah Chinese Communist Party-te makaihna leh hanciamna lai simbu ah tausang bangin a tuan’ ding kisam hi ci hi. Foreign Ministry spokesperson Lu Kang in presste kiangah hih bangin lai simbu a kilaih manin khangthak ten hun beisa tuanthu leh tangthu thei tel ding uh a, kilaihna piansakna ding huatna lungsim paai in huatna tawh kalsuan ding ka cihna hilo hi ci hi. Source: AFP/ Thang Khan Lian