China gamsung aom Chemical Plant khat puakkham in mi 19 in sihlawh, adangzong 12 liam

China gamsung aom Chemical Plant khat puakkham in mi 19 in sihlawh, adangzong 12 liam

China gamsung aom Chemical kibawlna “Chemical Plant” khat puakkham in, mi 19 in sihlawh a, adangzong mi 12 bang liam uhhi ci’n Friday ni in kumpi thunei te’n genkhia uhhi. China gampen leitung ah Chemical tam abawlkhia penpen “world’s largest producer of chemicals” hi a, setzung tuahsiatna Industralia Incident aomthei zelzel lakak hihpen ahuaisia penpen ahihi.

Abeisa inzong China gamsung aom Chemical Plants leh Coal Mines kici meihol suangtawhna te ah tuahsiatna ahuaisia mahmah piangtheizel ahih manin Industrial Safetly pen aki lunghimawh mahmah laitak ahihi.

Hih anunung akiza Chemical Plant apuakkham pen Yibin Hengda Technology ah Thursday nitaklam in apuakkham ahihi. Aliam te ahihleh bangmah lunghimawh luatding omlo, Stable Condition hi uh a, banghangin hih setzung puakkhamhiam cihpen kumpi thunei te’n akansan laitak hi ci’n State News Agency ahi Xinhua te’n genkhia uhhi.

Reuters te’nzong hih setzung apuakkham Company te phone samin athu ala dotsawm uh a, ahi zongin bangmah genkhiatna neinuam nailo uhhi. Hih Chemical Plant pen nektheih Food leh zatui Pharmaceutical akibawlna setzung lianpikhat ahihi.

Setzung meikatlaitak Photo Clip pawlkhat Social Media ah ki thehzak in, meikuangpen huaisialua mahmah hi. Vandawn ah meikuang leh meikhu kithuah in khuto neinai hi. Nitaklam in meikang akipan pen zanlam 11:30pm hunciangin ki phelhsiang theipan hi ci’n Chinese Government te’n Statement ah genkhia uhhi.

Video: An explosion at a chemical plant in China has killed 19 people and injured 12, authorities said on Friday, the latest deadly industrial incident in the world’s largest producer of chemicals. It comes amid a drive to strengthen industrial safety, with China ramping up checks over the last year, in the wake of some high-profile incidents at coal mines and chemical plants.

Sichuan Daily Newspaper te’n agenkhiatna ah apuakkham setzung pen inndawl 3 Storey aphakhat hi a, apuakkham khitciangin meikanggawp in Steel Frames akhuam tengbek cianlai hi ci’n genkhia uhhi.

Hih apuakkham innpi ii ageinai aom Building tezong akongkhak Windows te kitamgawp ciliang hi.

More: US, Kentucky State sung aom UPS Facility ah apuakkham nasia mahmah om

2015 kum inzong Tianjin City sung aom Chemical kikepna Warehouse khat puakkhamngei in mi 165 takin sihlawh uhhi. Nungkumsung inzong Eastern Shandong Province sung aom Petrochemical Plant khat puakkham in, mi 8 in sihlawh uh a, adangzong mi 9 bangin liamna ngahgawp uhhi. Sawltak #zomidaily