China ah nupi khat mawtaw buksungah Second 30 zong ziakialo in nausuakzia

China ah nupi khat mawtaw buksungah Second 30 zong ziakialo in nausuakzia

Eastern China ah nupi agaikhah mahmah apuak kiukeukhat Motor Garage sungah lutsukziau in Second 30 zong ziakailo in pusuahkhiakik in mangcip dildelziau cih CCTV pan ki mukhia cihi. Tua nupinu pen mawtaw koihna buksung ah Second 30 zong ziakailo in, nau avasuakziau hi a, asuahkhit ciangin anaungek zong nusiaziau in ami mangcipziau cih South China Morning Post in genkhia hi.

Saturday ni zingsanglam 8am hunpawlin nasemkhat in Motor Garage sungah amuhkhiat ciangin aki theikhia ahihi.

Tua amupa ii genna ah tua naupangno kamuh ciangin amaiteng dupta cihi. Naungek pen kapseselo in, ahi zongin ageikim tengah sisan omkawikawi ahih manin, hih naungek asuakcil hiding cih katheih ciangin kalung himawh mahmah cihi.

Naungek suakcillian mungeilo ahih manin, naungek pen neusalua in lunghimawh mahmah hi. Tuaciangin nasemdang tetawh tua naungek pen puanza sungah tuun uh a, Ambulance te sampah uhhi.

Hih thupiangteng CCTV Footage panin a etkik uhciangin nupi agaikhah mahmah, puan Yellow Coat asilhkhat mawtaw bukmaiteng ah kipeikeei in, asungah luttheisam hi.

Tuakhit ciangin abombi suahkhia in, kal kasuk in Second 30 zong ziakailo in nau asuakkhia hiziau hi.

Naungek apusuahkhit phetin abombi tengkik saisai in, bangmah acivetlo dankhatin pusuak khiakik vilvelziau hi.

Ahi zongin naungek anutsiatna gei ah Handbag leh amah ii ID (Identity Card), sumbawm cihte nusiatkha hi.

Naungek pen zato kipuakpah a, khuadamsalua in thuaklah dektak ci a, tualo bangmah liamna natna omlo cidam hi ci’n Hospital te’n genkhia uhhi.

Hangzhou Police te genkhiatna ah tua nupinu pen asawtlo in ata kankikding in kilehkik ahih manin, Police te’n hihpen naupang nusia, naupang kipai hilo hi ci’n ciamteh uhhi.

Tua nupinu in Hangzhou Police te tungah agenna ah nausuah dingin tunkeei ahih manin cihnading theilo in Motor Garage sungah asuak kahi ciziau hi. Tuakhit ciangin bangcihding cih theilo in naungek tawmvei anusiapak kahi ci’n genkhia hi.

More: China ah lungkia mite ading sih kineih khemna “Grave Classroom” kihong

Asawtlo in naungek asuahna munah apaikik ciangin naungek pen Ambulance tawh zato nakipuak khinta hi. Nupinu naungek anutsiat leh alakkik kikal bangtanvei ziakai cihbel kigelh nawnlo hi. Nausuah danzong atuamtuam hihtuak ei, suah hamsa asalua te lah sihlawh liang uh. ZD Sawltak #zomidaily