China, Hangzhou City aom Restaurant khatpan Gas bung puakkham in mi 2 si, 55 liam

China, Hangzhou City aom Restaurant khatpan Gas bung puakkham in mi 2 si, 55 liam

Friday ni in Eastern China, Hangzhou City sung aom ansai Restaurant khatpan Gas bung puakkham in cih AFP pan kiza hi. Hih Gas bung puakkhapna hangin mi 2 in sihlawh a, adangzong mi 55 takin liamlawh uhhi.

Friday zingsanglam in apuakkham hi a, Chinese Media te’n asawtlo in Video Clip leh Photo te khahkhiapah uhhi. Apuakkham Restaurant pen inndawlnih “Two-storey housing” te hi a, mi tampitak liamgawp ahih manin, silehnai tawh kidim zihziah hi.

Aliam mi 55 lakah 12 tepen huaisiadiak, gimgawh phadiaklai uhhi. Restaurant sungpan in apuakkham ahih hangin, athemneng akilawn tengin ageinai aom Bus leh mawtawneu tampitak dengkha hi ci’n Hangzhou’s Xihu District thunei te’n genkhia hi.

A puakkhaplian laitakzong Video kizaihkha in cikziat huai mahmah hi.

Video: Terrifying moment blast hits store in Hangzhou, China

Hangzhou City pen khuasung amun nopci in etlawm mahmah ahih manin kumsim in khualzin Tourists tulthen tampitak apaidetna Tourist Attraction minthang khat ahihi.

More: Malaysia, Melaka khuasung ansai khatah Gas bung puakkham

Hihbangin Gas bung puakkham cihpen China ah kiza zelzel a, alimlim in Safety Standard ginalo ahih manin, tuahsiatna apiang zelzel kici hi. Nungdiak mahmah inzong Taiwan ah Gas bung puakkham cih kiza a, Malaysia Melaka khuasung ahzong nungdiakmah in Gas bung puakkham hi. Gas bung puakkham tuahsiatna pen tunai kinawhzak mahmah hi. Sawltak #zomidaily