Chin State tuibuahpawi ah sangsia te zawhthawh thutawh lamsaksawm in buaina piang

Chin State tuibuahpawi ah sangsia te zawhthawh thutawh lamsaksawm in buaina piang

Myanmar, Chin State sung aom Matupi Township ah Education Department te’n sangsia leh nasemte zawhthawh thutawh Thingyan tuibuahpawi ah akihel nadingun thupia cih Zalen Thuthang te’n suaksak uhhi. Abeisa March khapek akipan Kawlte tuibuahpawi Thingyan Festival adingin ki gingkholsak cihi.

Tuabangin Thingyan Festival ah kihelding bekthamlo, Thingyan Dance alamding in sawl athuakpen sangsia, sangsiama leh sanginn zumnasem te ahihi. Thingyan Dance ah kihelnuamlo, azuilo aomleh thu kibawlding, Disciplinary Action kilading ci’n Education Department te’n thupia uh cihi.

Tuabangin Thingyan Dance ah akihel nading un abeisa kaltampisung kisinkholhna Practice Session neisak sawnsawn uhhi. Practice Session pen nikhatin nai 5 sungta sangsia, sangsiama te ki sinsak kholden uhhi.

Christian bekbek atamzawkna Chin State sung nangawn ah Thingyan Festival pen ki limbawlsak mahmah hi.

Hihbangvai aom ciangin Chin Political Parties leh Civil Society Groups pawlkhat te’n abeisa April 2 ni in Chin State Government tungah lai khak uhhi. Tua lai sungah Myanmar Constitution leh International Labor Organization te’n zawhthawh thutawh kisawlin sepsak “Forced Labor” cihte khaam uhhi ci’n pulakna neikhia uhhi.

More: Chin State, Lailenpi khua ah vanlengtual bawldingvai Press Conference kinei

Tuabangin lai akikhak ciangin Chin State Government inzong thukkik uh a, tukum akipan Thingyan Festival ah zumnasem te zawhthawh thutawh kihelsak nawnkei un ci’n Township Department te zasak uhhi.

Thingyan Dance ah zawhthawh thutawh kihelding cihvai tawh kisai in alungkimlo kitam mahmah hi. Sawltak #zomidaily