CCleaner ~ Na Computer siansuah in

CCleaner ~ Na Computer siansuah in

CCleaner pen Piriform te hong bawlkhiat Donationware Program khat ahihi. Akizatna pipen ahihleh ih computer sung aom Temporary Files te hongsiansuah sak a, Windows Registry Error tezong hong sittelsak theihi. Tuabanah Internet ihzatna Google Chrome, Firefox tepan Browser Histories tezong honghepkhiat sakthei hi.

Hih Program pen “Donationware” cise uh a, huhna panpihna piaknopleh niallo uhhi. Hih program azang Users pawlkhatte citpiakna hangtawh amawkin akizangzangthei hizaw hi.

Computer ihzat sawtleh “Temporary Files” pen akikhol toto hi a, ih computer nasepzia zong hongziakaisak tektek theihi. Tua akisamlua ahilo “Temporary Files” tengpen ih computer panin Start > Run > Temp mekleng Folder sungah MB tampi agik venvan namu dinghi.

Tua Folder sung aom Temporary Files tengpen avekin Delete zelleng ahoihzaw hi a, hih program in tuateng hong Delete sakthei hi. Adeihte’n hih http://www.piriform.com panin amawkin ki download thei hi.

Hih atung ateng banah Control Panel ah paikullo in, ih computer sung aom program te CCleaner panin ki Uninstall theihi. Tuabang mahin Microsoft Windows MSConfig Utility ah paikullo in, Start-up program te kibawl theihi. System Restore tezong ki Delete thei a, Cookies kikemte zong ki Check thei hi.

Hih program na Install ciangin “Recycle Bin” ah Right-click tawh aki Run theiding inzong ki Install thei hi. Windows leh Mac Version anih in bawl uh ahih manin, Platform nazat zawkzawk ah nuamtak in ki zangthei dinghi. Android Phone sung na ngawn ah ki Install theihi.

Deihsakna tawh ihki gensawn Software khatpeuhpeuh nazatna panin siatna apianleh Zomi Daily in mawhpuak kilalo dinghi. Phattuamna aomtheih lehlah nang ahampha nahiziau hi. 2011-04-29

Hih Software pen abeisa kum 7 sungbang kizatzat detsa khat hi a, zatnuam mahmah ahih manin, khatvei kong Share sawnkik ahihi. ZD Sawltak #zomidaily