Canada ah “Sea Lion” tuisung ganhing khatin numeino khat tuisung ah kaisuk

Canada ah “Sea Lion” tuisung ganhing khatin numeino khat tuisung ah kaisuk

Canada gamsung ah “Sea Lion” kici tuisung ganhing khatin numeino khat tuisung ah akaihsuk laitak video kizaihkha citciat in YouTube ah kikoih hi.

Tua video pen Michael Fujiwara kici khatin Saturday ni in YouTube ah akoih hi a, tuciangciang video a enpen 544,491 Views valkhinta hi.

Hih Video pen Canada gamsung Steveston Fisherman’s Wharf, Richmond B.C. ah akizaih hi a, Sea Lion khat nekding zongin adang amuhloh ciangin tembaw khawlna Wharf tungah atu numeino khat ii apuan akamtawh pekin kaisukmawk hi.

Agei aom mite zong patauvak mahmah uh a “Oh my god! Oh my god!” ci’n aki ot laitak in pasal khat tuaksukpah in, tua numeino pen honkhia kikpah hi.

Video etnopleh: Killer Sea lion drags girl into Steveston waters

Tua ahonkhia pen numeino ii a innkuanpih te kici a, numeino hitaleh a innkuanpih te hitahleh aliam kuamah omlo, Sea Lion in apehkhak kuamah omlo bilbel hi. ZD Sawltak #zomidaily