USA, California sungah mawtaw Licence khatpen “Kopi O” kici citciatse hi. Ahi zongin tua Licence Plate pen Malaysia gamsunga niangtui zuaktheihna “kopi-O licence” hisamlo hi.
Ahi zongin tua mawtaw neipa in Malaysia gamsung ah aomsung in “Kopi O” akici “Black Coffee” pen limsa mahmah ahih manin, a mawtaw Licence Plate tungah “Kopi O” ci’n agelhsak cicitciat hi.
Tua mawtaw aneipa pen kum 29 aphakhin Scott Kurkhalter kici khat ahihi. Leitung gamtuamtuam ah zinkawikawi in, aomna California aciahkik ciangin Malaysia gamsung aomlai in lim asak mahmah Black Coffee aphawk tawntung nadingin mawtaw Licence Plate tungah “Kopi O” ci’n Register abawlsak ngiat cizen hi.
“Coffee pen kaduh ngiat hi a, ka mawtaw zong avom ahihtawh California’s Classic Black ahih manin, “Coffee” min phuahsak dingin kituak mahmahding in ka um hi. M
anglai tawh gelhdingzong hoih kasa a, ahi zongin ka khualzinna panin kadawn theihzel, lim kasak mahmah Kopi O cih min phuahdingpen kituak leh kilawm kasapen a, ciaptehzong nuamin tuamphadiak dingin ka lemen cihi.
Scott Kurkhalter pen alawmnu tawh Australia, South-east Asia, India, Europe cihbang in gamtuamtuam zinkawikawi ngeikhin hi. Penisular Malaysia zong abeisa kumsung in khatvei zinngeikhin a, tuahunlai in kal 3 bek tamin ciahkikpah hi.
Ahi zongin alawmte khatin Gopeng Guesthouse athakkhat hongding ci ahih manin, tuateng ah nasemding in Malaysia paikik hi.
Gopeng ah kha 2 sung aomsung in naseppih alawm Malaysian gammi tetawh niangtuisai atut uhciangin Kopi O theikha in, limsa mahmah ahih manin zingsangsim in tuabekbek dawnden cihi.
“Malaysia gamsung ah niangtuisai tutciangin avaikhakdan zong atuampian khat hi a, Kopi O ka vaikhakcil in bang hongki piading cih ka ngaihsun theikei hi. Ahi zongin Black Coffee namkhat hongkipia in, kadawncil akipan lim kasasuak mahmah a, tuabekbek nisim in kadawnden hi” ci’n genkhia hi.
Related: California Bridge tungpan Selfie akizaihsawm numei khat kiasuk ~ ZD
Tu’n Scott Kurkhalter pen US gamsung ah ciahkik in, Malaysia gam nusiakhin himahleh, nisim in Kopi O mawtaw tungah atuangdending himawk hi.
Ta neilehzong tua minmawh aphuak khaphial tammaw 🙂 ZD Sawltak #zomidaily
Comment piaknop aomleh...