Malaysia, JB Bus khawlna ah pitek khat aki taihkhak laitak Video ki khahkhia

Malaysia, JB Bus khawlna ah pitek khat aki taihkhak laitak Video ki khahkhia

Malaysia, Johor Baru sung aom Bus Terminal khatah pitek khat Bus in anawkkhak, ataihkhak laitak Video Clip ki khahkhia hi. Johor Baru, Larkin Sentral Terminal ah zanni Friday nitaklam 1pm hunpawl in thupiang hi a, aki taihkhaklian laitak CCTV panin Video Clip kiciantak in kimuthei hi.

Tua piteknu pen kum 80 aphakhin khat kici a, aminpen Er Shok Siew hi in, Batu Pahat pan ahihi. Amahpen Bus tungah atuangding in Bus khawlna ah apaiphei laitak in adang Bus khatin nawkkha in, apeikawm ah agawigawp ahihi.

Video: An 80-year-old woman was killed when she was run over by an express bus at the Larkin Sentral Bus Terminal at noon today. The victim, identified as Er Shok Siew, sustained serious injuries in the accident and died while being treated at the Sultanah Aminah Hospital at 7.50pm

https://www.youtube.com/watch?v=GFGarUyXPas

Bus Terminal sungah Luggage khat kaikawm in apailaitak in Bus khatin anawkkha ahihi. Tua bangin anawkkhak laitak Video Clip pen Malaysian Netizen lakah kithehzakpah zihziah hi. CCTV panin aki Record kik Video sungah aki muhtheih mahbangin Bus Driver pa in bang enliang hidinghiam cihnop huai mahmah hi.

Hihvai tawh kisia in kumpi thunei ahi Johor Baru (South) OCPD Asst Comm Shahurinain Jais in agenkhiatna ah tua piteknu pen akhete liamgawp in, amanlang in Sultanah Aminah Hospital (HSA) kipuakpah cihi. Ahi zongin aliamma tengmahtawh zato panin sihi.

More: Update: Genting Highlands – Singapore atai Bus khat tuahsia, mi 1 si, 13 liam

Hih tuahsiatna hangin Bus Driver papen kumpi thunei te’n mansuakpah uh a, “Section 41(1) of the Road Transport Act 1987” tawh kizui in thu bawlding uh cihi. Sawltak #zomidaily