Bosco Thang Zo Mang sihvuina (Malaysia)

Bosco Thang Zo Mang sihvuina (Bishop Felix ii mintap pa/tupa)

Hi All,

Lungdamkohna
Bosco Thang Zo Mang pen tuni Catholic ngeina tawh kituak in missa biakpiakna tawh ama hun nunung pen St. Joseph biakinn, Sentul ah kibawlthei hi.

Missa biakpiakna pen Msgr. Martin Mung in hongbawlsak hi. Missa biakpiakna kipat madeuh in ei Zomi te in ihneih det ahi innteek thupulaakna, beh le khang thusuutna te pen innteeklampan hongnei masa hi. Tuakhitteh Pawlpi (ZCCM) pan thuzaksakna te kinei in tua khitphet in biakinn kongah aluang thuphapiakna kinei leuleu hi. Sigaal hongpai khempeuh a luang thupha piak khitciang in biakinnpi sungah kilut hi.

Pawlpisungah Khangno a man theisunsun Michael Biak, Singpi le Joseph Tuangpu le liapaal Maria MuanKim Naulak le Mary Man zong alawmnu khat a 3 un Pawlpi kem Siapa Simon Paumuan nungzui in hongkihelthei hi.

Philip Khai le John Mungpi tenzong a siamna uh hi langaihsak daldalna tawh missa sungah hongpicingsak semsem hi.

Pawlpi in abei khempeuh ahi a luang puakna motor, han khuk, Singlamteh, hankuang kisik hi. A sum in gending cileng RM4800 sang in atawmlozaw kisikzo hi. Innteek khuapih lampan in bus 3 le van 2 tawh a it angaih sanggamteng hongpainang in kizangh hi.

Bosco pen Catholic ngeina tawh a kingahthei hamphatna khempeuh a ngahkhitteh a luang pen leisungah kiphum hi.

A dah a kap nu le pa sanggam uh le nau khempeuh tawh akibang in dahpihna kongpulaak behlai hi.

P.S: Ka zakkhialh a hihkei buang le Bosco Thang Zo Mang pen Bishop Lian Khen Thang ii mintapa, a tupa na hihtuak hi.

—
Best regards,

Francis Khampi

Via, Veritas, Vita