Garuda Airlines tungah Bomb kapua ci’n ciamnuih in agen Passenger khat kiman

Garuda Airlines tungah Bomb kapua ci’n ciamnuih in agen Passenger khat kiman

Indonesia gamsung Timika – Denpasar khua kikal alengding Garuda Airlines Passenger khatin Bomb kapau cimawk ahih manin matthuak cih Jakarta Post pan kiza hi.

Papua, Timika Airport ah zanni 2:30pm hunpawl in thupiang hi a, tua Passenger papen Garuda Airlines tawh aleng khiakuanding in akithawi ahihi.

Airport sungah alawmte khattawh kimu in, tua alawmpa’n bangpua nahia, navan giktuak si e ci’n donghi. Tua Passenger pa’nzong ciamnuih in Bomb khawngpeuh hiveh aw, ci’n dawngkik sese hi. Alawmpa pen akitheihpih mahmahkhat ahih manin umlo, lauhetlo in, aciamnuih ahihlam zong theihpah lel hi.

Ahi zongin tua akihona uh azakha Flight Attendant khatin vanlengtual sungah nasem Ground Staff te zasakpah hi. Tuaciang in alawmta un Airport Police te’n manin, avan uh kisitsak dikdek hi.

Tua Passenger pa’nzong ka ciamnuihna hi ci’n Airport Police Officer te tungah thuumthuum himahleh palik te’n asepding angeina aom mahbangin avanteng sitsak dikdek uhhi.

A vansungteng ah bangmah amuhloh uh hangin tua khualzinding Passenger 2 tepen Airport Police te’n mansuak in, thusitna neihbeh laiding uh cihi.

Hih Passenger 2 tepen avanleng uh lapnawnlo in, aciamnuih kammal khat hangin Ticket leiman suplawh dikdekziau uhhi.

Papua Police spokesman Sr. Comr. AM Kamal agenkhiatna ah vanleng tawh khualzinding Passengers te’n hihbang kammal hoihlo zatkhak hetlohding kisam hi ci’n genkhia hi.

Khanglui te’n ciamnuih galsuak acih mahbangin ciamnuih pen ahoihbek khat om cih phawk huai mahmah hi. Tualeh adiakdiak in vanlengtung ahi zongin, Airport sung limlim ah ahi zongin “Bomb, Explode, Bang” cihbang kammal te mawkzatkhak huai hetlo hi.

Related: Indonesia gamsung aom Provinces khempeuh phialah IS te omding in ki ummawh

Tua kammalte Phone sung ahi zongin apualam ahi zongin nazatkhakna panin muanmawhmi Suspect khat kisuak thei cih khualzin te’n phawk huai mahmah hi. Sawltak #zomidaily