Prime Minister bekthamlo BN leh UMNO Party makaipi paninzong Najib khawlta

Prime Minister bekthamlo BN leh UMNO Party makaipi paninzong Najib khawlta

Malaysia Prime Minister lui ahi Datuk Seri Najib Tun Razak in General Election ah alelhkhit ciangin, akihelna Party ahi Barisan Nasional (BN) leh UMNO paninzong kakhawlta hi ci’n Official in genkhiata hi.

Najib pen abeisa in Barisan Nasional (BN) ah Chairman hi a, UMNO ahzong President asem ahihi. Prime Minister kiteelna ah angahzawh nawnloh ciangin tua adang panmunte ahzong mipi in muanna omnawnlo ahih manin, atawlnga “Resignation” abawlta ahihi.

Kuala Lumpur khuasung, Menara Dato’ Onn aom Umno Headquarters ah tuni Saturday ni in Media Conference bawlna nei uh a, tualai ah Najib in Umno President panin akhawlna genkhia hi. Tuaban ah Datuk Seri Dr Ahmad Zahid Hamidi in ama panmun luahto in, Party President semdinghi ci’n pulakna neikhia hi.

Umno Wanita, Youth and Puteri Wings panin makaipi te’nzong Najib ii akhawlding khentatna pen thukimpihna nei uhhi.

Najib in Media Conference ah agenkhiatna ah Umno leh Barisan Nasional (BN) in abeisa kiteelna Malaysia General Election ah nakpi in supna kinei hi.

Tua ahih manin, Umno President leh Barisan Nasional Chairman kasepna panin khawltading ci’n khentatna kanei khinta hi ci’n Reporters te tungah genkhia hi.

Apiang thute hangin ki thanem in ki khasia mahmah hi, ahi zongin Democratic Principles kilenkip in, aki khentat bangin ka thukim uhhi ci’n genbeh hi.

Umno Member khempeuh tungah kalung dammahmah a, hih Party pen nusialo in ka panpih tawntung dinghi ci’nzong kamciam piakna neikhia hi.

Video: Datuk Seri Najib Razak has announced his resignation as Umno president and Barisan Nasional (BN) chairman, effective immediately.

Gammakai Anwar Ibrahim zong Tuesday ni suaktading

Thongsung ah akikemcip PKR de facto leader Anwar Ibrahim zong maikal Tuesday ni ciangin suaktathei tading hi ci’n atanu in Reuters te tungah tuni in genkhia hi.

Malaysia gammakaipi dingin akiteelthak ahi Prime Minister Dr Mahathir Mohamad inzong Anwar Ibrahim asuahtaktheih nadingin tukalsung septheih khempeuh kisemding hi ci’n genkhia hi.

More: Kumthak muakna in Myanmar gambupah thongkia mi 8500 ki khahkhia

Dr. Mahathir leh Anwar Ibrahim tegelzong abeisa in akilem hetlo “former foe” ci’n abeisa in akigal uhhi ci’n Media te’n genkhia uhhi. Ahi zongin Najib ii makaihna abeitheih nadingin Dr. Mahathir leh Anwar Ibrahim te hongki pawlkhawmthei uh a, tu’n gualzawhna angah khawmthei taktakta uh ahihi. Sawltak #zomidaily