Abuai huai mahmah Pu Biden ii executive actions pawlkhat: Van laih – Transgender te vai

Breaking: Abuai huai mahmah Pu Biden ii executive actions pawlkhat: Van laih – Transgender te vai

Pu Biden in Kumpi za angah khit zawh aa kipan tu ni ciang executive orders 33 suaikaai – letmat thu ta aa, US President lak pan inauguration zawh January kha sung executive orders tam athu pen Kumpi in kiciam teh ta hi. Tua te lak ah abuai huai leh controversial apiang thei tam zaw kici hi. Anunung pen letmat athu na te sungah Transgender akici “Pasal van” pan “Numei van” alaih te aading atuam vil vel aa hamphatna – “right” apiak kihel aa, tua te pen tulai tak innkuan dinmun leh leitung pian zia leh Pasian hong bawl dan te tawh kituak lo ahih manin mi tampi ten sang zolo uh hi.

Transgender akici Pasal van pan Numei van laih te Kimawlna (sports) te ah Numei mah in kidem ding cih thu piakna executive order letmat thu ahih manin kimawlna aa akihel numei tak tak – Female athletes te in nakpi takin nialna bawl in alungkim lohna te uh pulaak khia uh hi. Pasal aa piang (biological boys) te numei suah nangin avan uh leh alungsim uh alaih uh hangin Atha te pen Pasal dan mah hi dingaa, numei te tawh kidem ding cih pen atha uh kikim ngeilo ding ahih manin numei ten kizo zo lo dingaa ka sang thei kei ding uh hi ci in Female athletes tampi in alung himawhna uh genkhia hi.

Pu Biden leh apawl te vaihawm na tampi pen leitung pian zia tawh kituak nawnlo in Pasian thu tawh zong kituak nawnlo hi ci uh hi. Pasian in Nu ahih kei leh Pa in hong bawl hi aa, van laih cih pen hong bawl pa Pasian (God – the Creator) alangpang i hi hi ci in Pasian thu um atam zaw in ngaihsun uh hi.

Abeisa hun in Pu Trump in Transgender (van laih) te US galkap dingin kicing (ki fit) lo leh qualify lo hi ci in aphal lo hi aa, Pu Biden in tua te lum let in executive order tawh Transgender te US Galkap sungah deih bang in lut thei ta ding in thupia ahi hi. Sawt sawt leh US Galkap sungah numei leh pasal cih om nawnlo ding ahih manin kipatau mahmah ahi hi. Pawlkhat te in Transgender te zong mi mah ahih ciang amau ngah ding hamphatna -“right” te angah dinguh hi ci aa, ahi zongin hi dan aa leitung pian dan, innkuan pai dan tawh akituak lo te belh vaihawm ding hoih lo hi ci uh hi.

Pu Biden leh D lam te geelna khat ah hih Vanlaih – Transgender te aading zong atuam in ekbuk (restroom) te mun khempeuh leh Sangte koih ding cih te zong kihel aa Nu leh Pa te kipatau mahmah khin ahi hi. Tulaitak aa i neih ekbuk nih (Pasal & Numei aading) pan tun thum akinei ding dan ahi hi. Hite pen leitung pian zia tawh akituak hiam cih ngaih sut huai mahmah hi.

Abeisa hun in House Democrats te in House rules sungah “Nu, Pa, Tanu, Tapa, Pi, Pu – Father, Mother, Son, Daughter, Uncle, Aunt, Grandfather/mother” kici nawnlo ding ci in kipsakna nei uh aa, mi tampi in sangzo lo uh hi. Amau deihna in mailam ah Nu leh Nu, Pa leh Pa (same-sex-marriage) hong kiteng kitam tek tek dingaa, tua te in Ta hong nei thei nawnlo ding ahih manin Pa, Nu, Ta cihte aom kul nawnlo hi ci mawk uh ahi hi.

More: President Joe Biden in Executive Order abawl thakte

Hih pen Pasian deih loh thu te ahih manin Pasian thu um te kidah mahmah khin ahi hi. Tulai tak Pu Biden telkhiat Cabinet (Vuangyi) te sungah vanlaih (transgender) khat leh Pa leh pa kiteeng (gay) khat kihel uh hi. Topan US gam hong kembit ta hen. News Update te khah to to ni. Ref: Fox News, Yahoo News/ Thomas Mung