Biakna sangah bawlsiat athuak, akhe langnih aki tankhiatsak naupangno sita

Biakna sangah bawlsiat athuak, akhe langnih aki tankhiatsak naupangno sita

Malaysia biakna sanginn khatah akhe satgawp athuak naupangno pen sita cih theStar panin ki zakbeh hi. Johor Baru, Kota Tinggi aom Riligious School khatah Assistant Warden in abawlsiat “Physical Abuse” kici a, akheteng vomgawp in, si hoihtak paithei nawnlo ahih manin aki tankhia ahihi.

Kum 43 aphakhin ahi apa Mohd Gaddafi Mat Karim in agenna ah atapa pen Hospital Sultan Ismail ah damzolo in hong nusia hi ci’n Wednesday ni in genkhia hi.

Atapa pen kum 11 aphapan hi a, biakna sanginn ah akemte’n tuizawn “Water Hose” tawh nazepgawp ahih manin akhe teng dupgawp in alangnih in aki tankhiatsak ahihi.

Atapa minpen Mohamad Thaqif Amin Mohd Gaddafi kici hi. Akhe langnih akitankhiat tawh damtuanlo ahih manin, akhutzong tankhiat saksawm cihi. Atung a Photo sungah puankang asilhna pen ataklam khut aki tankhiatsawmni in akizaih kici hi.

Ahi zongin akhut taklam atankhiatma in Doctor te’n sitcianna aneihkik ciangin alungtang hatlo ahih manin tankhiatding halkik uh cihi.

Kum 38 aphakhin Dzuraidah Ahmad kici naupangno ii Aunty in agenna ah atupa pen akhe alangnih in aki tankhiatsak hangin hoihtuamlo, noptuamlo ahih manin, akhut taklam zong tankhiatkul cihdong atungto ahihi ci’n genkhia hi.

Akhut taklam leh akhutme te zong dupgawp in, sisan hoihtak pailo, Blood Cells leh Tissue teng sia hiding cihtawh atankhiat saksawm cihi.

Naupangpa ii akhe langnih aki tankhiat sakphet inzong anatna pen hoihthei taktaklo, noptuamlo ahih manin lunghimawhhuai mahmahlai, “Critical Condition” hilai hi ci’n Johor Health, Environment, Education and Information committee chairman Datuk Ayub Rahmat in genkhia hi.

Kota Tinggi OCPD Supt Rahmat Othman te’nzong hihvai tawh kisai in athupiang teng amanmah hi ci’n genkhia uhhi. Naupang asatgawppa pen kum 29 aphakhinkhat hi a, abeisa ahzong gamtat siatna aneingei ex-convict khat kici hi.

More: Biakna sanginn ah naupangkhat akhe kisatgawp ahih manin alangnih in tankhiat kul

Tuizaawn tawh azepgawp Assistant Warden papen thunei te’n mankhin uh a, thusitna nei uh cih kiza hi. ZD Sawltak #zomidaily