Bangladesh ah naupang suakcil khat kum 80 valkhinding tawh kibang

Bangladesh ah naupang suakcil khat kum 80 valkhinding tawh kibang

Bangladesh gamsung ah naupang pasalno asuakcil khatpen amel asa kum 80 valkhin putek tawh kibang citciat mawk hi. Hihbang naungek suakcil pen lamdang kisa mahmah a, zong alipkhap huai takpi ahihi.

Bangladesh gamsung Magura khua ah asuak hi a, asuakcil ahih hangin atalvun tonkhin a, amit, aci asa guaisuah phenphan hi.

Hih naungek hangin Local Doctors te lunghimawh, lungbuaigawp uh a, ahi zongin teknatna Progeria Syndrome namkhat hiding in ummawh uhhi.

Apa pen lokhomi khat hi a, aminpen Biswajit Patro kici hi. Apa in “Pasian in tapa khat hongpia ahih manin lungdamlua ing. Amelpuak asapuak te phamawh kei, tuate lungkiat nading omlo hi” ci’n tapa aneih manin lungdamlua in kipak mahmahlel hi.

Bangbang apiang zongin lungkim ung. Ka innkuan sung ah tapasal khat hongsuahkhiat manin lungdamlua ung ci’n gengen lel hi.

Biswajit Patro te nuapa in hih ataneu neihna hangun muntuamtuam gamtuamtuam pan dotna tampi hongki dongdongkhin cihzong genkhia uhhi.

Hih naupang akem zato nasemkhat ii genna ah hih naupang pen asuakcil tawh kibang vetlo hi ci’n genkhia hi. Acih mahbang in naupang suakcil tawh kibang hetlomah a, anungzang ahzong mul bekbek dimmawk hi.

Hih naupang ii anulehpa te’n tanu khat neikhin uh a, tu’n tapa khat neihbeh uh ahih manin, adang bang kisamnawn ahiam ci’n anupa un lungkim mahmah uhhi.

Ahi zongin Doctors te’n hih naupang pen bangci bangin zatui zaha bawlding cih lunghimawh mahmah uh cih the Sun UK pan Thursday ni in kiza hi. ZD Sawltak #zomidaily