Bangci bang vangik pan tawlnga ding?

Bangci bang vangik pan tawlnga ding?

Matthew 11: 27_ 28 Zeisu in vangik pua a agim mite aw ka kiangah hong pai in, ka vanzangin ka hakkol puaknop hi, kei kiangah hong sin un acih ciangin, 1.I Vangik icih in bangte hiam? Religiuos rules and regulations; The Pharisees’ rules Mark 4:19, Mark 10: 38_42 the cares of this life;

A. Biakna vangik: biakna khempeuh in biakna tawh kisai sepzia bawlzia ding, sepding seploh ding, zuihding zuihloh ding thukhun leh dan tampi anei hi. Jews te in zong Moses thukham leh thukhun leh dan tampi na nei uh hi. Biakna hanciam peuhmah avangik tawntung ding hi. Sep zawh leh zuihzawh om dinga, atam zaw pen ki palsat den ding hi.

Topa Zeisu leitungah hong nuntak sungin biakna hangin mite vangik pua bangin atawl agim na uh athei hi. Mite in bangzah in ki hoih nuam a, ki siangtho nuam hiam cih amu hi. A hizongin tuate peuh mah azuih na uhin lungmuan na khamuan na leh lungkimna apiak zawhloh lam athei uh hi. A hizongin, gim pipi, tawlpipi mah in hong zui tei tei uh a, pawlkhat in ahunlo in mawhna thaman suang tawh denlupna sih na dan hong thuak uh hi.

Pawlkhat lei in valh tum hi. Pawlkhat vanpan meikuang kia in ahal tum hi. Thu tuamtuam la tuamtuam tampi om lai ding hi. Tua ahihmanin, mihing te nuntakna pen launa, linna tawh kidim in om uh hi.Hih biakna kha in amaute hencip in tangtheilo in om uh hi. Zeisu in hih mite hehpih huai na amu lua hi. Tuateng mah phelkhiatsak, suakta sak dingin a hongpai hi zaw ahih man in i lung a dam a Pasian min i phat hi.

B. Leitung ah i nuntak haksat, khuisatna vangik:

lungkhamna leh lung hih mawhna te, nasep silbawlna te ah lawhsapna te zong vangik mah hi zel hi.I pumpi ci leh sa mah mah zong natna satna i tuah ciangin i vai a sah a, i puak vangik in i khuisa hi.Luke 9: 10: 11:

C. Inn kuan sung kizopna: nupa kikal, nu leh pa leh tate kikal, lawm leh gual kikal, tek leh mo kikal kizopna khempeuh ah buaina vangik tampi i nei ciat hi. Luke 12:14:

D.Mawhna vangik: duhhop huaihamna hangin go leh gam kituhna te, nu leh pa mawhna, phengtatna te, ki huatna, en na, kham theih guih theih tawh ki diahna, bum leh an san na zatna, zuau phuah guktakna, etc…tampi om lai ding.

Hih vangik namkim te a ki helh in ahunsim phial ki pua hi.

2. Ka hakkol leh avan acihciangin bangte ahi diam? A ma thuhilhna leh ama ukna ( his teaching, his rule of life) a gen hi a, a hakkol puaknop a, ka van zong a zang hi.Hong kisin( ama thuhilhnate leh ama nunziate) un. Kei mahin lungnem in ka ki niamkhiat hi. Ka nungzui suak ding acihna hi. A ma kiangah i zuatni pen ama kiangah i

Sia (thuhilhna alui nusia ding, sinna lui, upna lui,ngeina luite )nusia ding. Sinna lui leh athak ki lem khawm theilo. Pharisee te thuhilhna leh ki makaih zia pen vangik lua kisa a, tua thu te leh Topa Zeisu a kisin khawm theilo hi cih na hi.

Mathew 9:16 puan lui pen puathak tawh phop lo ding, savun um lui sungah lenggah zu athak guang lo ding.

Naungek bang ahi, apicing theilo thu_um te zong leitung vai uh a, nungzui suak thei nailo uh hi.

John 16:12 I have yet many things to say to you but you can not bear them now. Kong gennop kong theihsak nop tampi om mah hi ven, kong gen hang lah tel tuak mel nai kei uh teh’ ong ci dan hi.

1Corinthians 3:1_3 Sawltak Paul in zong thu_um ci na pi khangcing lo te pen an khauh ki pia thei nailo acih bang hi ding hi.

Bangcih zuat ding i hia?

Vangikte nga in,’ kei nang kiangah hong kisin ning ‘ci a i ki pumpiak na ahihi. Ama tung i ki ngakna in lungmuan na leh khamuan na i ngah theihna pen AMASA pen tawldamna hi pah hi.Banghang hiam cih leh mihingte in i nuntak sung i phut khak tohtoh thu haksa pawlkhat pen Zeisu hilh nate ngai in, zuih kisin tohtoh ding i hihi.

Tua zia te pen i ngah khit teh ANIHNA tawldamna namte kingah ding hi.Mikang pau in process AKIZOM PAISUAK hi. Zeisu nungzuihna ah tawlngakna om theilo a i khansungin zuihden ding a hihi.

Bangbang ahi zongin, Zeisu a pen itna lungsim kha i neih zia hong dim toto phot leh tua tawh ki zui in i vaipuak zia ki siam dinga, tua i siam zahzah ki tawl dam ding aci nuam a hihi.

A thupi mah mah pawlkhat i tawphah in “kisin “a cih kammal a hi hi, tua in pattah akul cihna a hihi.

Gamlaka ale mah mah Lano or Sakol no khat pen hong zual mateng sinsak leh pattah kul hi a, ahilh ding te apantah dingte in zong a lung duai kul a, a kisin ding te in zong utmah mah na leh lungduai na tawh thuak keeikai in sin kul hi.

Thuman kul ding hi(obedience) Thuak kul ding hi(suffering),Abuk a bek in kipumpiak khiat kul ding hi(submission and commitment). Tua ahih man in Zeisu zia i sin ciangin amah i it kei leh ki sin nuam lo ding a hihi. Hih thu in itna tawh kizopna a hi gige hi.

3. Tawldamna i cih bang a hi tam?

Zeisu in tawldamna ka hong pia ding ci hi. Akam ciam ahihi. Kua Pasian in eite hong kamciam ngei ahi hiam? Mawhna vangik pan in eite tangding dan khempeuh hongthuaksak ngam ding kuamah i mu kei ding hi.

Leitung nuntak haksatna pan in e leh? Tawldam na ahong pia zo mah ding hiam? I natna isatna te hong dam sak thei mah ding hiam? Tua khempeuh singlamteh tung hong lakkhiat sak khin zo a, eite in i tel theih zah zah kikhahkhia a suahtakna leh damna angah thei ding te i hihi.Leitungna te deihgawhna pan zong hong suakta sak thei hi.

Zeisu zia sungah i lut theih ciangin, i vangik te hong zang pan dinga i tawl hongdam pan ding hi.Ahangpen, ama muh bang in mu theita, ama tel bangin tel theita, a ma gual zawh bangin gualzi theita, adiakin, leitungna te tung ah i lungsim ngak dan ding hi ding hi. Nate tung ah tokai( Master) zawh na ding, lungsim ngaihsut leh puakzia te( emotions) tungah damna leh gualzawhna, mi cina luna leh dawiveite tungah damna leh suahtakna piakna ding amaute phel ding cih te pen Zeisu sep bangin septheihnate ahihi.

I vangik in ama vangik ahi kha mangthang te a ding cih loh ngal adang te vanzang tak in nuntak kal suan ding ahihi. Leitung deihgawhna te vangik ahi hi. Zeisu kiangah i sin teh huaihamna te hong bei ding hi. Guktakna, thadahna te, hong bei ding hi. Ganhingte nangawn ki pantah thei a hih leh asangpen a hong ki bawl ama lim leh mel sun a ki bawl ei te in bangzah dong in Zeisun ziate angah zo dingte i hihi. Hehpihna sung ah khangcinna pen tua bangte hi lo ding a hi hiam a ci nuam ka hihi.

4. A utlo te bangci ding uh

Jeremiah 6:16 Pasian in hi bangin aci hi:” lamka a ding un la en un; khangluite zuih lampi te kan un la lampi ahoih zaw zui un. Tua hi leh na tawl uh adam ding hi.A hi zongin note in hi bangin na ci uh hi, ” Ei te in i zui kei ding hi” na ci uh hi.

Mi pawlkhatte in avan uh gik in lawhsam mah ta le uh, van zan na hong pia nuam a a hong kisin sak nuam Zeisu kiangah pai nuamlo uh hi. Zeisu in thuhilhna dangte in vangik bek hong suan hi a ken ka hih leh lametna kahong pia hi, kei zia hong kisin le uh cin, kei thu hilhna hong zuithei le uh cin, kei nuntak zia hong kisin le uh cin na khangton man ding uh lawhcin na leh vanzanna te na mu ding uh hi, a hi zong mi lungtang khauh pawlkhatte a pai nuam tuan kei uh hi.

Luke14: 26_27, 33; Luke 9:23 Luke 21:34_35 John14:26 theHoly Spirit will remind us ….

A tawldamnuam te in Zeisu zia nuntakna azui ding uh hi. Ama zia leh thuhilhna in nuntakna, lampi leh thuman thutak ahihi. Itna lampi a hi a, hih thu mah tawh i kal suan nop leh Zeisu kamciam ahi tawldamna i ngah ding hi.

Dim Lun Zam