Bang thupisak pending

Bang thupisak pending

I.PASIAN
Mi pawl khatte in nu leh pa tungah thupha bawl leng thupha kingah hi ci in, Pasian mun ding ah a Nu leh Pa koih in a sawm a khat nangawn Biakinn Pasian kiang tun loin apia om uh hi. Pai 20:1-17 sungah Pasian in ama sangin nadang khat peuhpeuh i liatsak zawk ding deih lo hi. I nu leh pa i bawl dan ding aneu 5 na ah na gen hi. Tanglai misiangtho Abraham, Moses, Joshua,Daneil leh Jesus te tho baihin Pasian kiangah thungen masa uh hi. Korea Pastors leh thu um mite zingsang nai 4/5 in tho in thungen uh hi. A Kumpipa Dr.Cho te Upapi in zingsang nai 5 sim in no ading thu ong ngetsak den ing ci hi. Khatna ah Pasian tawh holim in thu kikum masa in.

II. NA INNKUANPIHTE
Adiak diakin Pasian na semte bang pawl khat innkuanpihte nusia in zanvak thei uh hi(Kamsang/free Evangelist) lawmcing mahmah uh hi. World Vison Founder Bob Pear Sen gam ah ong kipan a lawhcing in tu ni dong leitungbuppi ah lawhcing mahmah lai hi. Ahi zong a innkuan zongah lawhcing hetlo khat in ki gen hi. Atop na ah thungen hi”Topa ke’n nang ma na sem leng nang ka innkuan sung tavuan a la ding sa kha mawk ing” ci hi.

Billy Associate in hi hang in Ministers te a khual a zin leh a ni/kha ciangtan sak in a innkuan man pua sak ngiat hi. Zomite Pasian nasem/ Mihau/ Kumpi U Liante khang kizom a sem tawm khat i om a i hih zah in i kizom kei hi. Tate tuition sap/sangsap kisapnate leh zi te annek tuidawn/niteen puansilh guan zo peuh leng hi pah ding kisa kha hi.Pasian thu leh Pasian in innkuan lungtang Pa i hih na Hoih tak en in na innkuan sung pen Pasian zom anihna in koih in thupi sak in.

III. NA NASEPNA
Na nasep nate Topa ap masa in Ps 37:4-5 “Na vai khempeuhTopa ap in” ci hi. Daniel leh Joseph te a om dan a sepna ah ki
encik pha mahmah hi. Modikai in aseplai in Pahtawina bang mah ngahlo ahih hangin citak veve in a hun a tun ciang in Pahtawi na ngah in a minambup uh tawh ngah khawm hi. Khazih nasem bangin kingaihsun in na hih na peuh ah citak in.Pasian leh na innkuan mai ah koih masa kei in.

IV.TAWL NGAK HUN LA IN
Thukham 10 sungah a 4 na Sabbath ni tawl ngakh ni na ci hi.Hih i pumpi pen ni 6 sung nasem a ni 7 ni tawl nga ding a kibawl ahi hi. Ahang pen i gimluat/i tawlluat ciang in i heh peuh/i han peuh suaksuak thei a mitawh kitawng thei hi. Zeisu in a nungzuite
tawh tawl nga ding in mipi lakpan na pai khia ngei hi. Na zi/na tate/na naseppihte tawh tawl ngak hun la in. Pasian tawh hun nuam zangin na pumpi tawl dam sak in. Laisim mimal kim Topan thupha hong pia hen.

Rev. Thang Za Suan
Pastor
Shalom AG,Yangon