Bang mangman na hiam?

Bang mangman na hiam?

Nikhat ni cianga a pianzia ding, mang a man’ Joseph in, a mangmatte a gen ciangin a pianpih a sanggamte’n um loin, ko bawl gawp uh hi. Bek tham loin, a mangmat agen laitak a, a dinmun tawh a sanggamte’n en kha uh ahih manin simmawh in, zahpih zaw lai uh hi.

Thuak a kulte thuakin, thuman a kulna-ah thuman takin hong kalsuan toto ahih manin, a mangmat a tangtun’ ciangin mi tampitakte leh a simmawh, a zahpih a sanggam tengmah in ama hangin nuntakna leh gilvahna ngah lawh uh hi.

Nang zong, ngimna geelna(sun mang) tampi na nei kha ding hi. Na sun mangte na gen ciangin, nang din’mun tawh hong enkha mi pawlkhat in, hong zahpih in hong kobawl kha ding uh hi. Lungkia thanempahpah kei in.

Pasian’ hong lah kholhsa na sun mangte a tangtun dong thuman takin kalsuan in la, thuakzawhna tawh mainawt den in. Tuabang hipeuh leh ahun cin ciangin, hong zahpih in, hong koko teng mah in nang hangin nuntakna leh gilvahna ngah ding uh hi.

Khazih sungah,
David Tuang