Bang bangci ngaihsut ~ Tdkhen

Bang bangci ngaihsut ~ Tdkhen

1. Nute pate’ thumang a nahlawh pek hi, kici hi. Tua mah bangin, “Nute pate thumang a nahlawh kek hi” cih zong om thei hi. Tuate in, “Tate’ mailam ding a khual’sak lo nu leh pa a nei kha-te.

2. Mikhat in nasem cialin a khasumin a pia hi. Khacin ciangin tua nasempa sum thoh dingin a paileh, “Na khasum hong kithoh khin veh ee” na cihsan ziau hi. A ban gen ding a om lai tam!

3. Mikhat in vanzuakte’ kiang khatah, “Hih ka van na zuaksak ve” ci-in a ap hi. Tua van a khotkhit a sawt lo-in a sum a kila hi. A sawtlo mahin vankoihpa in a sum hong la in, “Sum hong lakhin hilo na hiam?” a cihsan hi. A ban gen ding a om lai tam?

4. Vanzuak mi nih a tukhawm uh hi. Khat in, Ka dailen suak, ka van na etsak in” ci-in a paikhia hi.
Tua kalin a lawmpa’ van zong na ki-en sem ahihmanin, na buai-a, dailengpa’ van a mang hi. Tua thu kua’ tungah om ding hiam?

5. Sumbawl mi nih kikhawl hi. Khatpa pen ciahbaih nuam ahihmanin a vante niam nono in a zuak hi. Tua manin a lawmpa in vankhot ngeina in khawng zo nawn lo hi. Tuate nih kikalah gennop a om lai ding hiam?

6. Nupa khat a om hi. A pasal in a zi itlua mahmah ahihmanin, hi a sak mellohte dongin paupih sese lo-in athuakthuak hi. A zi in zong a pasal na itlua sem ahihmanin, hi a sak lohte dong mahin phunphun se lo-in a thuakthuak hi. Hih nupa kalah leptuah ngai a om ding hiam?

7. Nu leh pa’ thu a mang tuaktuak pasalno nih luivak dingin a paikhia uh hi. Sun an nek hun ciangin a anphelte uh hong lui uh a, khatpa in kisuang hetlo-in a duhduh a teng ziahziah hi. A lawmpa leuleu in a anglam panin a banbanin a sawk hi. A nih-un a hiding mahin om thei lel uh hi. Hih naupangte-gel kikal thu pen a hithei den ding mah ahiam?

8. Nasep nei tuaktuak nupa nih in naukem ding nungakno khat tuak a cial uh hi. Khatte pen a naukepte gawng semsemin, a kemnu a thau semsem hi. Khatte leuleu a naukepte thau semsemin a kemnu a gawng semsem hi. A thaman uh a piak ding ciangin tua nupa nihte kikum uh hi. Naukem a thau semsemnu a thaman zahlang bek pia uh a, naukem a gawng semsemnu’ tungah a behlapna uh hi. Hih thukhen dan na koici ngaihsut hiam?

9. A ki-it mahmah unau khat a om hi. A u pen a tha nem hi. A nau pen a thahat hi. A u in ama’ thanemna tawh kizui-in nahoih sep ding thei taleh a vaihawm ngam kei hi. A nau leuleu in a u muang lua ahihmanin, na dang a vaihawm ngei kei hi. Tua unaute dik thei mahmah napi-in a khangto thei kei uh hi. Bang kisam hiding hiam?

10. Khuano nih kizomah sangsia khattuak a om hi. Khuakhat sia pa in laivuan ciangin a onglo pipi ong sak lel ahihmanin, sangnaupangte lungdamin, a nu a pate uh zong a lungdam hi. Khuakhat siapa leuleu pen a ongte ong, a onglote a kia mahin hih ahihmanin lungdamna om lo hi. Hih sangsiate-gel no’khua-ah koi pen na deih zaw uh a! Tdkhen