Australia gamsung ah theihhuai Super vs Pension ~ Dr. Singpi

Australia gamsung ah theihhuai Super vs Pension ~ Dr. Singpi

Australia gamah nasem khempeuhin piakloh theihloh nam nih omaa tua te-in, SuperFund le Tax hi. Super Fund pen I nasepna pan ingah sum khempeuh ii 9.5% hi aa, I nasepna employer ten amau teel ahihkei leh ei teel Super Fund institution khatah ei tangin na thunsak ding hi. Tua Super Fund te-in kumsimin Admin Fee hong doksak banah, I super fund tawh asummet bawlna (investment) pan Akingah sum sungpan zong amet pawlkhat hong doksak ding hi.

Super Fund pen nasep khat I kituah ciang zong kizang theisuak hi. Azenzenin I nasepna athak ah Super Fund dangkhat I zat zenzen leh, I Superfund a lui pen athak ah tuahin gawmleng, Admin fee le atuamtuam te tampi nuamtuam ding hi. Nasep ngeilo Centrelink(Social benefit)ne te-in super Fund nei nailo hi. Super apia te ii hamphatna pen Super Fund ah a lutsuak sumte sungah kumpi in Tax la lo hi. Atawmpen I piakding 9.5% sang tam I piaknop leh kingah hi. Tax tampi nuamtuam hi.

Kumpi-in a ciangtan pension kum acin takciang kumpi in pension hongpia ding hi. Tulaaitak pen Australia gamah pension kum pen kum 66 hi aa, 2023 ciang 67 ciangah khanto ding hi. Super tawh kibanglo aa I kum acin nakleh kumpi-in kumpi budget zangaa hong piak ahihi. Hih sumte pen kumpi ii siah(tax) ngahte sung pan azek hi-aa tax pia nasemte tungah kumpi in akhak lungdam kohna laitungah a kizeknate kician takin kigelh hi.

I kum a cin aa pension ngah theihding hun I tun ciangin kumpi in Asset test leh income test hong en ding hi. Single innnei te-in $263,250 nuaisiah sum aneih hang pension sum ngah veve ding hi. Single innneilo te-in $473,750 nuaisiah anei hang pension sum ngah veve ding hi. Nupa innnei te-in $394,500 nuaisiah sum a neih laaiteng pension sum ngah veve ding hi.

Nupa inneilo te-in $605,000 ciang sum akep hangin pension sum ngah veve ding hi. Pension ngah te-in sumlut(income ) kaal nihin $174 nuaisiah angah hangin a pension pen a Full in ngah veve ding hi. Tua ahihmanin Super pen kumpi tawh kisailo aa, nasepna pan super tampi anei te-in naseplo aa super aneilo te sangin pension angah ciangin hamphatna tampi omhi cih kimu thei hi.

More: Australia gamsung SuperFund thohkik theihvai ~ Dr. Singpi

Atawpna ah pension pen siah apia mimal le company te kiangah a kingah sum sungpan kumpi in azek sum ahihmanin kiam thei, khang thei hi. Ahihzongin Super pen nang thalawhsa sungpan na khol ahihmanin nang ma sum hi. Kumpi tawh kisai kilkel lo hi!!! Dr. Singpi (Ps- Only for Australia – Australia gam bek huam hi)