Australia, Melbourne khuasung ah palik te’n migilo khat kaplum

Australia, Melbourne khuasung ah palik te’n migilo khat kaplum

Australian Police te’n Monday ni in Melbourne City sungah thautawi khat kaplum uh cih Reuters pan kiza hi. Tua thautawipa in numei khat kidalnading in “Hostage” in zang cihzong Police te’n genkhia uh a, hihpa gamtatna pen Militant Activity tawh kizopna aomhiam cihpen aki kansan laitak ci uhhi.

Australia gamsung ahzong agamsungpan in migilo “Home-grown militants” pawlkhat om uh a, tuate lakah pawlkhat pen Middle East panin aciahkik leh tuate apanpih Supporters te kici hi. Tuate gamtatna hangin Australia gamsungzong High Alert in omkhinta hi.

Brighton vengsung ah pasal khatin numeikhat Hostage in akepna tawh kizui in naikhat valsung bang ki buaipih a, Police Officers zong mi 3 liam uhhi. Apartment Building sungah Victoria State Police te’n tua thautawipa zolbawl uh cihi.

Tua thautawipa in numeikhat kemcip in, tuanu pen apaikhiatding phalvetlo cihi.

Naikhatval khitciang in tua buaina panin numeinu pen ki honkhiathei hi ci’n Police te’n genkhia uhhi.

Statement aki khahkhiatna ah Police te’n hihvai pen Terrorism tawh kizopna aomkha hiam cihpen limtak in kancianlai uh cihi.

Hihbuaina ageinai panin amukha te genna ah thau kikapna aging pen tamveipi kaza uh cihi. Nitaklam 4pm hunpawl in thauging kaza a, akigawm in 10 veibang kiza hi. Tuakhit ciangin thautawh khatin Hostage in numeikhat kem cih ka theikhia uhhi ci’n Local Resident Will Reid in ABC (Australian Broadcasting Corporation) te tungah genkhia hi.

More: Australia ah sangnaupang numei khat ii aphei tungpan Phone puakkham

Hih buaina hangin Police mi 3 in liamlawh uh a, ahi zongin anuntakna asukha liangding in aliam omlo bilbel cih kiza hi. AP News te genkhiatna ah Melbourne khuasung kikapna hangin pasal mi 2 si ci uhhi. Tuaban ah palik Police Officers zong thutak liam uhhi. Hostage in kep athuak numeinu zong liamna omlo in suakta thei cihi.

Victoria state police Deputy Commissioner Andrew Crisp in agenkhiatna ah thautawipa pen aki zolzol laitak in thau kapkawm in taigawp ahih manin, Police Officer 3 liam cihi. Tuakhitzawh asawtlo in amahzong Police Officer te’n kaplumpah uh cihi. ZD Sawltak #zomidaily