Australia gamsung aom bualtui khat amel Pink Color tawh kilaih

Australia gamsung aom bualtui khat amel Pink Color tawh kilaih

Australia gamsung aom bual “Lake” khat Salt Level atamluat kawmkal ah khuahun salua mahmah ahih manin, aci kikhel in Vivid Pink Color suak cih AFP News pan kiza hi. Hih bual pen Melbourne khuapualam aom Westgate Park sungah aom hi a, hihbangin amel akikhel pen lamdang kisa mahmah hi.

Parks Victoria Chief Conservation Scientist Mark Norman in agenkhiatna ah hih bualtui ii anuailam ah aom Green Algae tepen Salt Level atamluat ciangin amel aki khelsak hiding hi ci’n genkhia hi. Khuahun pen lumlua mahmah sawnsawn ahih manin tuahangin bualtui ii amel akikhelzia pen kilangsak semsem hiding kici hi.

Pawlkhat in hih bualtui amel akilaih pen zatui kihelkha, tembawsi khawng ki kiatsuah in akikhel ahidiam ci’n upmawh kigen himahleh, thunei te’n agenkhiatna ah hihpen amathu in apiang hi. “Completely Natural” hi ci’n genkhia uhhi.

Hih bualtui geiteng ah vasa namtuamtuam 140 bang omin, tuaban ah bualtui amel akilaih ciangin Tourists pawlkhatin theinuam in agei ah vahawh theizel uh cihi. Hih bualtui pen khoihkhaleng bangmah lauhuaina omlo dinghi akicih hangin, thunei te’n koihkhakding phallo uhhi.

More: Snake River (Gul Gunpi) The Wonder of Idaho ~ Andrew Khai

Banghanghiam cihleh pumpi cilehsa tawh kisukha in hileh Salt Level tamlua ahih manin, akeu ciangin khauhmahmah ding cihi. Mitsung khawngah lutkha hileh lauhuai veveding kici hi. ZD Sawltak #zomidaily