Australia gamah thuthak tuamtuam te

Australia gamah thuthak tuamtuam te

Inn man (House Price)

Inn man pen Sydney leh Melbourne ah 2018 kum sang in inn man kia zaw lai a hih man in inn lei ding te aa ding lung dam huai thu hi. 2019 January kha sung bekbek Sydney ah 3.3%, Melbourne ah 6%, Perth ah 2.8% kia aa, Adelaide ah 2.6% leh Brisbane ah 1.2 % inn man kah ci hi. Tu lai tak inn lei ding te Bank Loan pen Limited pian a hih man in hi dan in inn man kiam a hihi. Tu lai tak inn lei ding te HSBC Bank ah a meet ( interest )a niam pen a in ki ngah hi.

Nisa lua

Tu kaal sung Australia gam ah a bei sa kum 20 khit, ni sa pen ( Khua lum pen) hun hong tung hi. State tuam tuam ah ni sat na pen 48 Degree Celcius bang tung a hih man in, nau pang pawl khat bg pen Zato tun lawh hi. Tutung a sat deuh na mun pen NSW, SA , Canberra , Alice Spring leh Victoria State , Mildura leh Swan Hill lam teng ah na sia mahmah hi. Adelaide leh Sydney bang ah pen Mawtaw lampi Kattaya te nawi ( nip) mang a hih man in mawtaw a pai ciang ki sia in, dum keei ci hi.

AO (Australia Open)

Australia Open (Tennis ) pen January kha 14 ni pan ki pan ki mawl ziah ziah uh aa, tu in Round 3 ( Round of 32) tung to ta hi. Australia gam mi 2 bek kah to zo lai in, Leitung Tennis siam min thang te a hih leh a kia om nai lo hi. Ni taak sim in TV 9 ah Live in ki en thei den hi.

Tatts Lotto

Australia gam ah Lottery prize a tam pen Thursday ni in Power Ball te in $ million 100 me sawk sak uh aa, Sydney pan Nupi kum 40 gual ( a min gen lo) khat in ngah ci hi. Australia gam ah Lottery Prize mi khat in tam a ngah pen in ki ciam teh ci hi. Zomimedia Aus/ Lamhkim Samte, Melbourne